Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Фашист режиминин ибранидилли гәзети сионист режим ордусунун Гәзза золағында тибб мәркәзләринә гаршы вәһши вә һәртәрәфли һүҹумларына етираф едиб.
Меһр Хәбәр Аҝентлијинин Әл-Ҹәзирә-јә истинадән вердији мәлумата ҝөрә, ибрани дилиндә чыхан “Һааретз” гәзети фашист Исраил режим ордусунун Гәзза золағындакы тибб мәркәзләрини ҹиловсуз шәкилдә бомбаладығыны етираф едиб.
Һесабатда, ушаг гатили Исраил фашист режиминин һәрби гүввәләри тәрәфиндән сон бир һәфтә әрзиндә Гәзза золағында 10 хәстәхана вә тибб мәркәзинин һәдәфә алындығы вә дағыдылдығы билдирилир.
Һааретз әлавә едиб ки, кечән һәфтә Хан Јунисдәки Авропа Хәстәханасына едилән вәһши һүҹум бу ҹиловсуз һүҹумларын башланғыҹ нөгтәси олуб.
Гәзет “Ҝидеонун арабалары” адланан әмәлијјата вә Гәзза золағында тибб мүәссисәләринә һүҹумларын артмасына тохунуб. Үмумдүнја Сәһијјә Тәшкилаты да өтән һәфтә Гәзза золағында хәстәханалара 28 һүҹумун едилдијини гејд едиб.
Һааретз етираф едиб ки, фашист Исраил режим ордусу бу хәстәханалардан һәрби мәгсәдләр үчүн истифадә етмәклә бағлы алдадыҹы иддиаларыны давам етдирир.
Sizin rəyiniz