Әһли Бејт (әлејһимус сәлам) -АБНА- Хәбәр Аҝентлији- ӨН СӨЗ.
Һал-һазырда һамынын ҝөзү гаршысында республиканын бүтүн шәһәр вә рајонларынын һамысында Һејдәр Әлијевин адына парклар вә бағлар салыныб, һејкәл вә бүстләри гојулмагла јанашы онун адына музејләр вә һәтта мәсҹидләр дә тикилир. Шәкилләри исә бүтүн шәһәр, гәсәбә вә кәндләрдә, күчә вә мејданларда вурулмагла јанашы, маҝистрал јоллар боју да вурулмушдур. Дөвләт мәтбу органларынын вә республиканын бүтүн телеканалларынын әсас вәзифәси исә Һејдәр Әлијеви тәблиғ едиб, ону «милләт атасы», «үмуммилли лидер» вә мүстәгил Азәрбајҹан республикасынын баниси кими халга сырымагдыр.
Һансы тәрәфә дөнүрсәнсә, орада Һејдәр Әлијевин сәнә бахан шәклини ҝөрүрсән. Өзү дә елә бир шәкил јохдур ки, орадан ҹидди сифәтлә, ҹидди бахышларла бахсын, һәр јердә ҝүлүмсәјир. Адама елә ҝәлир ки, бу адамын мимикасында һеч вахт ҹиддилик олмајыб. Ел арасында мәшһур бир дејим вар, јәгин ону һамыныз киминсә һаггында ишләтмиш оларсыныз: «Өлсәм дә, ҹаныны мәндән гуртара билмәјәҹәксән». Инди Һејдәр Әлијевин һејкәлләринә вә шәкилләринә баханда адама елә ҝәлир ки, о, ҝүлүмсәр сифәтилә «ҝөрдүнүз, өлсәм дә, ҹанынызы мәндән гуртара билмәдиниз» – дејир.
Суал олунур: Һејдәр Әлијев Азәрбајҹан халгына нә вериб? Халгын милјонларла пулуну сәрф едиб, Һејдәр Әлијевин адына парклар, бағлар салыб, абидәләр гојуб, музејләр вә мәсҹидләр тикмәјә дәјәрми?
Тарихи фактлар ҝөстәрир ки, Һејдәр Әлијев Азәрбајҹан халгыны, хүсусән дә Азәрбајҹан түркләрини мәһв етмәк мәгсәдилә кечмиш совет гурулушу дөврүндә өз шәхси марағына ҝөрә халгымызын чохсајлы јүксәк сәвијјәли, баҹарыглы зијалыларыны мәһв етмиш, Сов.ИКП МК Баш катиби Л.И.Брежневә онун баҹанағы С,К.Свигунун васитәсилә гијмәтли «һәдијјәләр» – рүшвәт вермәклә Азәрбајҹан ССР КП МК-нын биринҹи катиби вәзифәсини әлә кечирмишдир.
Бу барәдә «Фәлакәтләримизин баискары» китабымда әтрафлы мәлумат вермишәм. Мүгәддәс арзусуна чатдыгдан сонра, мәгсәдјөнлү олараг өз шәхси марағы наминә республикада реҝиончулуға старт вермәклә јанашы, мәмур, һүгуг-мүһафизә вә мәһкәмә орган әмәкдашларыны коррупсијаја, рүшвәтхорлуға, гејри-инсани, гејри-гануни, өзбашыналыг вә гулдурлуг әмәлләринә сөвг етмишдир. Өзүнә шан-шөһрәт газанмаг мәгсәдилә Азәрбајҹанын игтисади ҝөстәриҹиләринин о бири республикаларкындан јүксәк олмасы үчүн билаваситә өз рәһбәрлији илә республикада «приписка» әмәлијјатына башланмышдыр.
Нәтиҹәдә шиширдилмиш «рекорд» рәгәмләр әсасында, Һејдәр Әлијев өзү башда олмагла, республика рәһбәрләри шан-шөһрәт газаныб орден-медаллы олмуш, вәтәнин торпаглары зәһәрләнмиш, республиканын игтисадијјатына күллү мигдарда зијан вурулмуш вә ејни заманда да республиканын сајсыз-һесабсыз тәмиз, вәтәнпәрвәр, виҹданлы адамлары ҝүнаһсыз олараг дамғаланыб, һәбсханалара долдурулмушдур.
Диҝәр тәрәфдән дә 1918-ҹи илдә Азәрбајҹан халгына гаршы сојгрыма рәһбәрлик едиб, он минләрлә Азәрбајҹанлынын өлдүрүлмәсинә наил олмуш Степан Шаумјана, бу гејри-инсани әмәлләрдә Степан Шаумјана јахындан көмәклик ҝөстәрмиш Прокофи (Алјоша) Ҹапаридзејә, Иван Фиолетова вә 1920-ҹи илдә Азәрбајҹан халгынын мүстәгиллијини әлиндән алмыш вә Азәрбајҹан халгынын ганыны ичән Хл Гызыл Ордуја Азәрбајҹан халгынын вәсаити һесабына онлара Бакыда мөһтәшәм, әзәмәтли абидәләр уҹалдыб, бу абидәләрин ачылышында ифтихар һиссилә бөјүк нитгләр сөјләјиб, бир тарихчи кими, өз чыхышлары илә гәсдән, билә-билә тарихи Азәрбајҹан халгынын әлејһинә сахталашдырырды.
Мәсәлән, 14 август 1975-ҹи илдә Степан Шаумјанын абидәсинин ачылышында ҝениш нитг сөјләјиб, демишдир: «Ермәни халгынын бөјүк оғлу Степан Шаумјан һәм дә Азәрбајҹан халгына мәхсусдур». Сонра о, нитгини давам етдириб, Степан Шаумјан кими Азәрбајҹан халгынын ганыны ичән, азғын бир ҹәллады белә характеризә етмишдир: «Јүксәк дәрәҹәдә мәдәни, јумшаг тәбиәтли бир инсан олан Степан Шаумјанын надир шәхси кејфијјәтләри вар иди. Бакы фәһләләри Степаны јахшы таныјыр вә үрәкдән севирдиләр».
Мир Ҹәфәр Бағыров Степан Шаумјанын аилә үзвләринә Азәрбајҹана ҝәлмәји гадаған етдији бир һалда, Һејдәр Әлијев исә Степан Шаумјанын оғлуну, гоһум-әгрәбәләрини вә Ермәнистан рәһбәрлијини Азәрбајҹана дәвәт едиб, 11 октјабр 1978-ҹи илдә Степан Шаумјанын анадан олмасынын 100 иллији мүнасибәтилә Бакыда тәнтәнәли јығынҹаг кечириб, мәрузә илә чыхыш едиб, демишдир: «Бу ҝүн биз ифтихар вә мәһәббәт һиссилә дејирик ки, ермәни халгынын бөјүк оғлу Степан Шаумјан һәм дә Азәрбајҹан халгынын оғлудур.
Азәрбајҹан халгы, республика әмәкчиләринин бирләшмиш бејнәлмиләл аиләси Степан Шаумјанын хатирәсини әзиз тутурлар. Бакыда уҹалдылмыш мөһтәшәм абидәсинин јанына тез-тез тәр чичәкләр гојурлар».
Һәмчинин, Һејдәр Әлијев 1920-ҹи ил апрелин 27-дә Русијадан Азәрбајҹан әразисинә кечән, Бакы, Гусар, Губа, Шамахы, Күрдәмир, Ҝәнҹә вә диҝәр јерләрдә гијамлар төрәдәрәк, мүстәгил Азәрбајҹан Республикасыны сүгута уғрадыб, Русијанын мүстәмләкәсинә чәвирән ишғалчы Хл Гызыл Ордуја Бакыда мөһтәшәм, әзәмәтли абидә уҹалдыб, 18 апрел 1980-ҹи илдә абидәнин ачылышында бөјүк нитг сөјләјәрәк демишдир:
«Азәрбајҹан халгынын чағырышы вә Ленин партијасынын ирадәси илә, өз бејнәлмиләл гардашлыг борҹуну јеринә јетирәрәк Азәрбајҹанын үсјан етмиш пролетариатынын көмәјинә ҝәлән әфсанәви Хл Гызыл Ордунун унудулмаз рәшадәти тунҹ вә гранитдә тәҹәссүм едилмишдир… Дүшмән гошунларынын тәзјиги алтында 1918-ҹи ил ијулун ахырларында Бакыда Совет һакимијјәти мүвәггәти олараг сүгут етди… 1920-ҹи ил апрелин 27-дән 28-нә кечән ҝеҹә үсјан етмиш Азәрбајҹан пролетариаты мүлкәдарларын, капиталистләрин, онларын мүсаватчы әлалтыларынын халга зидд, ҹинајәткар режимини девирди вә Азәрбајҹан торпағында Совет һакимијјәтини гурду. Азәрбајҹан халгы өз мүгәддаратынын там саһиби олду вә сосиалист инкишаф јолуна ҺӘМИШӘЛИК гәдәм гојду…
Бу ҝүн нәсилләрин варислијинин рәмзи олан бу мөһтәшәм абидәнин гаршысында биз билдиририк ки, гәһрәман халгымызын шанлы ингилаби, дөјүш вә әмәк әнәнәләрини бундан сонра да ҝөз бәбәји кими горумаг вә зәнҝинләшдирмәк, вар гүввәмизи, баҹарығымызы бөјүк коммунизм ишинә вермәк әзминдәјик…
Биз дөнә-дөнә дејирик: Азәрбајҹан халгы Хл Гызыл Ордунун гәһрәманлыг рәшадәтини һеч бир заман унутмајаҹагдыр. Хл Гызыл Ордунун дөјүшчүләринә әбәди ешг олсун! Онларын гәһрәманлыг рәшадәтинә ешг олсун!»
Һеч дә Һејдәр Әлијев дејән кими олмамышдыр. 27 апрел 1920-ҹи илдә ишғалчы Хл рус ордусу Азәрбајҹан Демократик Ҹумһуријјәтинин шимал сәрһәдләрини позараг әразимизә сохулмаға башлајыб. Беләҹә Бакы Коммунасында бирләшән сатгынларын ермәни-рус бирләшмәләри илә мәхфи сазишчилији вә бу сазишчилијин хариҹи һәрби мүдахилә илә мүшајиәт олунмасы Азәрбајҹан Демократик Республикасы һөкумәтини чыхылмаз вәзијјәтдә гојмушдур. Мүстәгил дөвләтимизин мәһвинә, онун халгынын исә сајсыз изтирабларына ҝәтириб чыхармышдыр.
Һејдәр Әлијев тәкрарән һакимијјәтә ҝәлдикдән сонра, Азәрбајҹан халгы ондан ермәниләрә гаршы саваш ачмаг ҝөзләјирди. Һејдәр Әлијев исә әсл симасыны бүрузә вериб Азәрбајҹанын көклү әһалиси илә, хүсусән дә Азәрбајҹан түркләријлә, тарихлә, Азәрбајҹан тарихи илә, Шәргдә илк Демократик Ҹумһуријјәтин – Азәрбајҹан Демократик Ҹумһуријјәтинин баниси Мәммәд Әмин Рәсулзадә илә саваш ачды. Бакыда ики јердә: Бакы Дөвләт Университетинин вә Дөвләт Кукла Театрынын гаршысында абидә дашы гојулуб, үзәриндә јазылмышды: «Бурада Азәрбајҹан Демократик Республикасынын баниси Мәммәд Әмин Рәсулзадәнин абидәси гојулаҹагдыр». Бакы Дөвләт Университетинин гаршысындакы абидә дашыны Һејдәр Әлијев, Дөвләт Кукла Театрынын гаршысындакы абидә дашыны исә Һејдәр Әлијевин вариси – оғлу Илһам Әлијев ҝөтүздүрмүшдүр.
Вахт кечди. Тарих өз сөзүнү деди. Азәрбајҹан Республикасы тәкрарән өз мүстәгиллијини әлдә етди. Кечмиш совет гурулушу дөврүндә Һејдәр Әлијевин Азәрбајҹан халгынын дүшмәнләри Степан Шаумјана, Иван Фиолетова вә Хл Гызыл Огрдуја Азәрбајҹан халгынын вәсаити һесабына гојдуғу мөһтәшәм абидәләр елә Һејдәр Әлијевин сағлығында Азәрбајҹан халгы тәрәфиндән дармадағын едилди. Галмышды Алјоша Ҹапаридзенин абидәси. Һејдәр Әлијевин вариси Илһам Әлијевин республикаја рәһбәрлији дөврүндә исә, ҝөзләнилмәдән бир ҝеҹә сәссиз-сәмирсиз Алјоша Ҹапаридзенин абидәси дә гејб олду.
16 октјабр 2010-ҹу илдә Илһам Әлијев Јевлах рајонунда 1 сајлы мәктәбин ачылышындакы чыхышында дејиб: «Мән чох истәјирәм, биз һамымыз истәјирик ки, вәтәндашларымыз биликли, савадлы, јахшы вәтәндаш, вәтәнпәрвәр олсунлар. Вәтәни севсинләр. Буну етмәк үчүн биз ҝүҹлү дөвләт гурмалыјыг. Ушагларымыз тарихимизи јахшы билмәлидирләр. Инди реал тарих өјрәнилир, дәрк едилир. Мәни бир Президент вә вәтәндаш кими ән чох һиддәтләндирән о дејил ки, мисал үчүн биз билмирдик 1918-ҹи илдә нәләр баш верирди…
Азәрбајҹан халгынын ганыны ахыдан шаумјанлар вә онун кими гәддар ермәни ҹинајәткарлары Азәрбајҹанда гәһрәманлар кими тәгдим олунурду. Онларын шәрәфинә абидәләр уҹалдылырды.» Илһам Әлијевдән сорушмаг лазымдыр, Степан Шаумјаны вә Шаумјан кими гәддар ермәни ҹинајәткарларыны Азәрбајҹанда гәһрәманлар кими тәгдим едән вә кечмиш совет гурулушу дөврүндә онларын шәрәфинә абидәләр уҹалдан Азәрбајҹанын һансы рәһбәри олмушдур?
Тарихи фактлар сүбут едир ки, Азәрбајҹан халгынын дүшмәнләринә Азәрбајҹан халгынын вәсаити һесабына абидәләр уҹалдыб, бу абидәләрин ачылышында нитгләр сөјләјән, Азәрбајҹан халгынын дүшмәнләринин јубилејләрини кечирән вә бу јубилејләрдә ҝениш мәрузәләрлә чыхыш едән республиканын јеҝанә бир рәһбәри олмушдур ки, о да Илһам Әлијевин өз арасы Һејдәр Әлијевдир.
Суал олунур, бәлкә Азәрбајҹан халгынын вәсаити һесабына Азәрбајҹан халгынын дүшмәнләринә абидәләрин уҹалдылмасыны кимсә Москвадан Һејдәр Әлијевә сифариш едибмиш? Там мәсулијјәтимлә дејә биләрәм ки, һеч вахт белә бир сифариш олмамышдыр. Әҝәр Москва белә бир сифариш вермәк истәсәјди, онда буну Азәрбајҹан Коммунист Партијасынын кечмиш биринҹи катибләри Имам Мустафајевә вә Вәли Ахундова да верә биләрди. Һејдәр Әлијев буну өз тәшәббүсү илә, азәрбајҹан халгына, әсасән дә Азәрбајҹан түркләринә гаршы дүшмәнчилик мәгсәдилә етмишдир.
Бу биринҹи нөвбәдә Һејдәр Әлијевин ҝени илә, јәни онун дамарларындан түрк ганы дејил, ермәни вә күрд ганы ахмасы илә бағлыдыр. Диҝәр тәрәфдән дә, Азәрбајҹан халгынын вәсаити һесабына азәрбајҹан халгынын дүшмәнләри Сиепан Шаумјана, Иван Фиолетова, Прокофи (Алјоша) Ҹапаридзејә вә Хл Гызыл Ордуја абидәләр уҹалтмагла Һејдәр Әлијев өзүнүн Москваја, ермәни вә күрд халгларына һәмишә садиг галаҹағыны нүмајиш етдирмәсидир. Инди дә Һејдәр Әлијевин вариси Илһам Әлијев, атасынын јолуну давам етдирмәклә, республиканын көклү әһалисини, хүсусән дә түркләри әзмәклә, ермәни вә күрд милләтләри үчүн әлиндән ҝәләни етмәкдәдир.
Һејдәр Әлијевин вариси – оғлу Илһам Әлијев республикада әлијевчилији давам етдирәҹәјинә сөз вериб. Әлијевчилијин бел сүтуну, јәни сијаси тәрәфи реҝиончулуг, игтисади тәрәфи коррупсија вә рүшвәтхорлуг, мәнәви тәрәфи исә мәддаһлыг вә јалтаглыгдыр. Азәрбајҹан халгына бу лазымдырмы? Әсла јох!Инди исә Азәрбајҹан халгынын вәсаити һесабына Азәрбајҹан халгынын бүтүн фәлакәтләрнин баискары Һејдәр Әлијевә һејкәлгојма кампанијасына онун вариси – оғлу Илһам Әлијев вә ән јахын силаһдашларындан бири олан, Президент Апаратынын рәһбәри, ермәни әсилли Рамиз Меһдијев рәһбәрлик едир.
Һәр бир халгын вә милләтин тарихиндә истәр сағлығында, истәрсә дә өлүмүндән сонра гәһрәманлары олуб, вар вә олаҹагдыр. Бу мүсбәт шәхсијјәтләр дә халгын гәлбиндә өзләринә әбәди һејкәлләр уҹалдырлар. Бахмајараг ки, Һејдәр Әлијев вә онун вариси – оғлу Илһам Әлијев Шәргдә илк Демократик Ҹумһуријјәтин – Азәрбајҹан Демократик Ҹумһуријјәтинин баниси Мәммәд Әмин Рәсулзадәјә гаршы саваш ачдылар, лакин М.Ә.Рәсулзадәнин һејкәли әбәди олараг вәтәнсевәр Азәрбајҹан халгынын гәлбиндә уҹалмышдыр. Үмидварам ки, тарихи сахтакарлыглара сон гојулаҹаг, һагг-әдаләт өз јерини тутаҹагдыр. Чох чәкмәз Бөјүк вә Гүдрәтли АЛЛАҺИН көмәклијилә башы бәлалы Азәрбајҹан халгы өз арзусуна чатаҹаг, республикада әлијевчилијә сон гојулаҹаг вә Һејдәр Әлијевә әдаләтсиз олараг Азәрбајҹан халгынын вәсаити һесабына гојулмуш чохсајлы абидәләр дармадағын едиләҹәкдир. Вәтәнсевәр Азәрбајҹан халгынын гәлбиндә өзүнә әбәди һејкәл гојмуш М.Ә.Рәсулзадәнин мөһтәшәм абидәси әбәди олараг Бакынын ән ҝөркәмли јерләриндән бириндә уҹалдылаҹагдыр.
Һејдәр Әлијев Степан Шаумјанын 100 иллији мүнасибәтилә мәрузәсини вә Бакыда Степан Шаумјанын абидәсинин тәнтәнәли ачылышындакы нитгини «ЛЕНИН ИШИ УҒРУНДА, КОММУНИЗМ УҒРУНДА МӘРД, МҮБАРИЗ» ады алтында 20 мин тражла китабча кими чап етдирмишдир (Бакы, «Азәрбајҹан Дөвләт Нәшријјаты», 1978-ҹи ил.) Һејдәр Әлијевин әсл симасыны охуҹулара чатдырмаг үчүн бу китабчаны латын әлифбасында чап едирәм. Вә ејни заманда да Һејдәр Әлијевин 19 апрел 1980-ҹы илдә «Коммунист» гәзетиндә чап етдирдији Бакыда Хл Гызыл Ордунун шәрәфинә гојдуғу абидәнин тәнтәнәли ачылышындакы нитгини бу китабда верирәм.
Ағајев Надир Мирәләкбәр оғлу, мемар,
ики дәфә Һејдәр Әлијев репрессијасынын гурбаны.
Диггәт: Хәбәрдән истифадә етдикдә мәнбәјә истинад лазымдыр
