Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: АБШ президенти Доналд Трамп ҝөзләнилән гәрарла Суријаја һаким кәсилмиш Голани террорчу режиминә гаршы санксијаларын тамамилә ләғв едилдијини ачыглајыб. О, бу гәрарыны Сәудијјә Әрәбистанына сәфәри заманы вә Сурија мүвәггәти һөкумәтинин башчысы Әһмәд әл-Шара илә ҝөрүшдән әввәл ачыглајыб.
Түркијәнин там дәстәк вердији Голани террор режими бу гәрары алгышлајыб вә буну тарихи дөнүш нөгтәси адландырыб.
Гејд едәк ки, Доналд Трамп чәршәнбә ахшамы Әр-Ријадда Сәудијјә-Америка Инвестисија Саммитиндә чыхышы заманы Сәудијјә Әрәбистанынын вәлиәһд шаһзадәси Мәһәммәд бин Салманла данышдыгдан сонра Суријаја гаршы тәтбиг едилән бүтүн санксијалары ләғв етмәк гәрарына ҝәлдијини ачыглајыб.
Трамп дејиб:
“Инди Суријанын (јәни вәһһаби террор режиминин) парлама вахтыдыр. Биз бүтүн санксијалары дајандыраҹағыг. Үмид едирәм ки, Сурија бизә хүсуси бир шеј ҝөстәрир. Сурија чох әзаб вә өлүм јашајыб вә биз үмид едирик ки, һазыркы һөкумәт сүлһ вә сабитлији бәрпа едә биләр.”
Sizin rəyiniz