Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Јәмән Силаһлы Гүввәләри бәјанат јајараг, сионист режимин Фәләстин халгына гаршы ҹинајәтләринә ҹаваб олараг јәһуди фашистләри тәрәфиндән ишғал олунмуш Фәләстин әразиләриндәки сионистләрин адландырдығы Бен-Гурион (Лод) һава лиманына гаршы сәсдән сүрәтли баллистик ракетләрдән истифадә едәрәк ракет әмәлијјаты һәјата кечирдикләрини ачыглајыб.
Бу барәдә Јәмән Силаһлы Гүввәләринин јајдығы бәјанатда дејилир:
“Јәмән Ордусунун Ракет Бөлмәси, мәзлум Фәләстин халгына вә онун сәрҝиләдији гәһрәманҹасына мүгавимәтинә дәстәк олараг вә сионист дүшмәнинин Гәзза халгына гаршы төрәтдији сојгырым ҹинајәтинә етираз олараг, сәсдән сүрәтли баллистик ракетлә ишғал алтындакы Јаффа бөлҝәсиндәки Лод (Бен Гурион) һава лиманыны уғурла һәдәфә алыб.”
Ачыгламаја ҝөрә, һүҹум һава лиманынын тәхминән бир саат бағланмасына вә милјонларла исраиллинин сығынаҹаглара гачмасына сәбәб олуб.
Јәмән силаһлы гүввәләри һәмчинин хәбәрдарлыг едиб ки, ишғал олунмуш әразиләрдәки һава лиманларына учушларын гадағасы давам едәҹәк вә бу гадағаја гошулмајан ширкәтләр диҝәр ширкәтләр кими гадағаја гошулмалыдырлар әкс тәгдирдә верәҹәкләри иткиләрә ҝөрә өзләри ҹавабдеһлик дашыјырлар.
Бәјанатын давамында вурғуланыб:
“Шәрәфли Јәмән Халгы мәзлум Фәләстин Халгына көмәк етмәкдән әл чәкмәјәҹәк вә Фәләстин халгына гаршы дини, әхлаги вә инсани вәзифәләрини јеринә јетирмәк Үммәтин бүтүн азад инсанларына борҹдур.”
Јәмән силаһлы гүввәләри вурғулајыблар ки, Лод һава лиманында дәстәк әмәлијјатлары вә аеронавигасија гадағасы, еләҹә дә Исраилин Гырмызы вә Әрәб дәнизләриндә навигасијасына гојулан гадаға јалныз Гәзза золағына гаршы тәҹавүзүн дајандырылмасы вә мүһасирәнин арадан галдырылмасы илә баша чатаҹаг.
Бәјанат, Гурани-Кәримдән бир ајә вә Јәмән халгынын сәбри вә Үммәтин азадлыг истәјән мүҹаһидләрини тәрифләјән ҹүмләләрлә јекунлашыб.
Sizin rəyiniz