Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, сосиал шәбәкәләрә ашыры мараг, бу медиа нөвләриндән ҹидди шәкилдә газанҹ үчүн истифадәнин артымы истәр-истәмәз суал јарадыр: Бу платформаларда газанҹ нә гәдәрдир? Һәр бир актив истифадәчи бунун мүгабилиндә пул әлдә едә билирми?
Рекламларын ҝәлир ҝәтирдијини билсәк дә, бунун неҹә һесабланмасындан вә ҝәлирин һансы формада истифадәчијә чатмасындан чохлары мәлуматсыздыр.
Әввәлҹә ондан башлајаг ки, Азәрбајҹанда һәр сосиал медиа платформасында ҝәлир газанмаг имканы јохдур.
“Репорт”а сосиал медиа експерти Вүсал Мәммәдзадә билдириб ки, әсас мәсәлә каналын аудиторијасынын кәмијјәтидир. Абунәчиләрин сајы артдыгҹа, газанҹ да артыр.
“Диҝәр вариантлар да вар. Бәзи платформалар өзү реклам тәклиф едир. Мәсәлән, дејир, мән сәнә реклам тапырам, мәһсулу контентиндә реклам елә. Сән дә газан, мән дә газаным. “Јоутубе” белә платформалардандыр”, - дејән В.Мәммәдзадә иш принсипини дә изаһ едир.
Мүтәхәссис билдирир ки, бу хидмәт “Google AdSense” васитәсилә тәгдим олунур:
“ Google” ширкәти тәрәфиндән конктент һазырлајанлара тәклиф олунур ки, каналын ујғундурса, орада рекламлары активләшдирә, мүәјјән газанҹ әлдә едә биләрсән. Мөвҹүд гајдалара ҝөрә, “ Google” ширкәти һәр бир ҝәлирдән 60 % контент һазырлајана, 40 % исә өзүнә ҝөтүрүр. Өзүнә ҝөтүрдүјү һиссәни исә белә әсасландырыр: Калифорнија ганунларына ҝөрә верҝи өдәнишләри вә мүәјјән хәрҹләр нәзәрдә тутулур”.
Диҝәр платформаларда да белә функсијалар олса да, бәзи өлкәләрдә бу шәртләр ишләмир.
Азәрбајҹанда да һәр платформадан ҝәлир газанмаг имканы јохдур. Анҹаг истәнилән һалда аудиторијасы чох олан канал өзү һансыса бир ширкәтлә анлашараг ону реклам едиб, ҝәлир әлдә едә биләр. Бу һалда мүгавилә бағланараг Азәрбајҹан Республикасынын ганунларына ујғун верҝи өдәнилир.
В.Мәммәдзадә дејир ки, әввәл “ЈоуТубе” платформасында пул газанмаг даһа раһат иди. “Google” ширкәти контент һазырлајанлара тәләб гојмурду. Јәни канал ачан кими, ону “Google AdSense”а гошуб пул газана биләрдин. Амма инди лимит олараг 4 000 саат бахыш сааты вә 1 000 абунә тәләб олунур. Бу шәртләрә ујғун олан канал “ Google” ширкәтинә мүраҹиәт едә биләр. Даһа сонра ширкәт тәрәфиндән канала бахылыр. Мүәјјән олунур ки, канал иҹмал гајдаларыны позмајыб, диҝәр проблемләр олмаса, о канал активләшир. Активләшәндән сонра һәмин ан канал өз видеоларында ҝөрүнән рекламлара ҝөрә пул алыр.
“Азәрбајҹанын ганунвериҹилијинә ҝөрә, бүтүн рекламлардан ҝәлир верҝиси тутулдуғу кими, “Јоутубе”дан да тутулур. Канал активләшәндән сонра мүәјјән мәбләғ каналда олан һесабыныза ҝәләҹәк. О һесабы чыхартмаг үчүн илк нөвбәдә верҝи гејдијјатына дүшмәк, ВӨЕН ачдырмаг лазымдыр. Даһа сонра истәнилән банка мүраҹиәт едиб һесаб ачырсыз. Сонра һәмин ҝәлир картыныза көчүр. Орадан рекламдан әлдә олунан ҝәлирин верҝиси чыхылыр.
Банк һесабы ачмадан, верҝи гејдијјатындан кечмәдән пул әлдә етмәк мүмкүн олмајаҹаг.
Дүздүр, биз Калифорнија ганунларына ҝөрә, гејдијјатдан кечәндән сонра онларын да верҝи гајдасыны гәбул едирик. Амма Азәрбајҹан ганунвериҹилијинә әсасән, бурада да верҝи өдәмәлијик”.
Азәрбајҹанда “Јоутубе” платформасына реклам верәнләр аздыр. Өлкәдә Азәрбајҹан контенти олан каналлар үчүн рекламдан ҝәлир газанмаг чох чәтиндир. Мүтәхәссисләр бунун сәбәбини рәгабәтин чох зәиф олмасында ҝөрүрләр.
“Мәсәлән, Америкада 100 банк реклам верир. Һәр банк даһа чох видеоларда ҝөрүнмәси үчүн рекламын мәбләғини артырмаға мәҹбур олур. Бу һалда да контентин саһиби дә чох газаныр. Амма Азәрбајҹанда белә дејил. Реклам верән аздыр дејә, мәбләғ дә чох аз олур. Мәсәлән, һансыса бир банк чох ашағы мәбләғдә реклам верирсә, рәгабәт чох аз олдуғу үчүн елә о банкын видеолары да ҝөстәриләҹәк.
Амма сон вахтлар Азәрбајҹанда реклам рәгабәти чох јахшы артыб. Белә ки, әввәл видеода 1 реклам ачылырдыса, инди 2 рекламын ачылмасынын шаһиди олуруг. Бу да рекламын артмасы демәкдир. “Google” ширкәтинә чохлу сајда реклам тәгдим олунур, һәмин рекламларын кампанијалары битмәјәнә кими мәҹбур олур ки, онлары контентләрә пајлајанда бир видеоја 2 реклам версин”, - В.Мәммәдзадә дејир.
Ән чох ҝәлир ҝәтирән мөвзулара ҝәлинҹә, мәлум олду ки, бу, ушаглар үчүн нәзәрдә тутулан каналлардыр. Чүнки орада чох вахт реклам чархына сона кими бахылыр. Белә ки, ушаг планшетдә, Смарт ТВ-дә видеоја бахыр вә рекламы да ахыра кими изләјир. Адәтән ушаг видеоларынын хронометражы да бөјүк олур. Орада да бир нечә дәфә реклам ҝөрүнүр.
В. Мәммәдзадә дејир ки, һазырда о һәр ај “Ҝооҝле” ширкәтиндән 150 АБШ доллары мәбләғиндә газанҹ әлдә едир. Онун каналында ајда үмуми олараг 300-400 мин бахыш олур.
Тиктокер Турал Гәмбәров дејир ки, “ТикТок”да газанҹ “Јоутубе”дан фәрглидир. Тиктокерин сөзләринә ҝөрә, газанҹдан 70 % тутулур, 30 % исә контент саһибинә чатыр. Бу 30 %-дән әввәлҹә “WebMoney” онлајн кредит карты алыныр.
Һесаба көчән мәбләғи әввәлҹә “WебМонеј” онлајн кредит картына, сонра исә Азәрбајҹанда ачылан банк һесабына јөнәлир. Һәр транзаскијадан да комиссија һаггы тутулур вә верҝи өдәнилир. Нәтиҹәдә дә 30 %-дән даһа да ашағы мәбләғ алыныр".
Амма тиктокер дејир ки, буна бахмајараг, јенә дә бу платформа сәрфәлидир. О, бир аја 700 АБШ доллары газана билдијини дејир.
“Тикток”дан неҹә газанмаг олар?
Әввәлҹә “ТикТок” һесабы рәсмиләшдирмәк лазымдыр. Платформадан ҝәлир әлдә етмәк үчүн ән јајылмыш метод ҹанлы јајымда гонаглар тәрәфиндән верилән һәдијјәләрдир.
Мәсәлән, контент саһиби ҹанлыја чыхыр. Ҹанлыда олан гонаглар һәдијјә ҝөндәрир. Жетонлар атыр. Онларын да һәрәсинин гијмәти олур. О һәдијјәләр дә баланса дүшүр. Дүшән ан мәбләғин 30 %-и артыг Чин ганунларына ҝөрә верҝијә чыхыр.
Дөвләт Верҝи Хидмәтиндән “Репорт”а билдирилиб ки, физики шәхсләрин мүхтәлиф сосиал шәбәкәләрдән әлдә етдикләри ҝәлирләр верҝидән азад едилмәјиб вә онлар верҝи өдәјиҹиси кими учота алынмагла әлдә етдикләри ҝәлирләрдән иллик әсасда 14 % дәрәҹә илә верҝини һесабламалы вә дөвләт бүдҹәсинә өдәмәлидирләр. Бунун үчүн физики шәхсләр иллик ҝәлир верҝиси һесабатыны нөвбәти илин март ајынын 31-дән ҝеҹ олмајараг верҝи органына тәгдим етмәлидир.
“Физики шәхсләрин белә ҝәлирләринин чевик верҝилјә ҹәлб едилмәси, физики шәхсләрин учота алынмадан, һесабат тәгдим етмәдән әлдә етдикләри ҝәлирләрдән верҝинин өдәнилмәси үчүн јени садә механизмләрин һазырланмасы да нәзәрдә тутулур вә бу мәгсәдлә мүхтәлиф хариҹи тәҹрүбәләр нәзәрдән кечирилир”, - Хидмәтдән билдирилиб.
Диггәт: Хәбәрдән Истифадә Етдикдә Мәнбәјә Истинад Лазымдыр!
