Әһли-Бејт
(әлејһимус сәлам) – Бејнәлхалг Хәбәр Аҝентлији- АБНА: Режиссору Ибраһим Һатәмикијә
олан “Муса Калимуллаһ (с.ә)” кино сериалынын пилот вә сынаг версијасы Фәҹр Филм
Фестивалында нүмајишә һазырланыр вә сериал версијасы да беш сезонда екран гаршысына
кечәҹәкдир.
Гејд едәк ки, “Һәзрәт Муса (әла Нәбијјинә вә Алиһи вә Әлејһи Сәлам)” кино сериалынын ссенарисини “Јусиф Пејғәмбәр (әла Нәбијјинәвә Алиһи вә Әлејһи Сәлам)” кино сериалынын режиссору мәрһум Фәрәҹуллаһ Сәлаһшур јазыб. Режиссорун вәфатындан сонра онун ишини давам етдирмәк вә режиссорлуг етмәк мәсулијјәтини Иран кино вә телевизијасынын танынмыш режиссору Ҹамал Шорҹе үзәринә ҝөтүрүб. Лакин ишин давамында Шорҹе үчүн јаранан сыхынтыја ҝөрә ишин мәсулијјәтини үзәринә ҝөтүрмәк үчүн јени режиссор тәјин олунду вә нәһајәт Ибраһим Һатәмикијә сечилди.
63 јашлы Ибраһим Һатамикиа "Шәхсијјәт", "Ҝөзәтчи", "Муһаҹир", "Васле Никан", "Кәрхедән Рајна кими", "Јашыл күл", "Јусифин көјнәјинин гохусу", "Мино ҝөјдәләни", " Шүшәли Аҝентлик", "Гырмызы лент", "Өлү далға", "Алчаг һүндүрлүк", "Бәнөвшәји рәнҝ", "Ата адына", "Дәвәт", "Шәнлик һесабаты", " Ч", "Ҹан ҝүдән", "Ахшам јемәји заманы" вә "Хуруҹ" кими 20 филм онун иш дәфтәриндә вар. Ибраһим Һатәмикија чәкдији филмләрә ҝөрә, индијә гәдәр Фәҹр Филм Фестивалынын үч “Симурғ”-у да дахил олмагла 40-а јахын јерли вә хариҹи мүкафатлара лајиг ҝөрүлүб.
Һатәмикиа, Муса Кәлимуллаһ (ә.с) сериалын режиссорлуғуну гәбул етмәји мәрһум Сәләһшура еһтирам әламәти олдуғуну билдириб вә вурғулајыб:
“Әрсәјә ҝәтирдијим чохлу әсәрләр арасында Гурани-Кәрим әсәринин јерини бош ҝөрүрәм вә бу сәбәбдән дә бу ағыр мәсулијјәти мотивасија вә марагла гәбул едирәм.”
Диггәт: Хәбәрдән Истифадә Етдикдә Мәнбәјә Истинад Лазымдыр!
