Бағышлајан вә Меһрибан Аллаһын Ады илә
Аләмләрин Рәбби олан Аллаһа һәмд олсун, Гијамәт ҝүнүнә гәдәр Аллаһын Саламы вә хүсуси Бәрәкәти ағамыз һәзрәт Муһәммәд вә онун мәсум Әһли-бејтинә, онун сечилмиш сәһабәләринә вә сәһабәләрдән ҝөзәл шәкилдә тәбәијјәт едән ардыҹылларына олсун.
Һәҹҹ мөвсүмүндә Аллаһын әмри илә бүтүн инсанлары Кәбә Евинә дәвәт едән һәзрәт Ибраһимин валеһедиҹи нәғмәси бу ил дә бир груп дүнја мүсәлманларынын гәлбини Төвһид вә Вәһдәт базасы олан Кәбә Евинә ҹәлб етмиш, мүхтәлиф синиф инсанлардан ибарәт олан бу мөһтәшәм иҹтиманы јаратмыш вә инсанлығын вүсәтини, Исламын мәнәви амиллијинин гүдрәтини јадлара ҝөстәрир.
Диггәт вә тәдбирлә мәсәләјә бахылдыгда һәҹҹин мүрәккәб ајин вә әзәмәтли топлантысы мүсәлманлар үчүн гәлб гүввәси вә сәадәт мәнбәји, дүшмән вә бәдхаһлар үчүн исә горхунҹ вә һејбәтлидир. Аллаһ тәрәфиндән ваҹиб бујурулмуш Һәҹҹин бу һәр ики ҹәһәтинин Ислам үммәтинин дүшмәнләри вә бәдхаһлары тәрәфиндән ја дини вә сијаси фәргләри өнә чәкмәклә, ја да мүгәддәс вә мәнәви ҹәһәтләрини јох етмәклә, арадан апармаг, инкар етмәк вә шүбһә алтына салмаг истәкләри һеч дә тәәҹҹүблү дејил.
Гуран һәҹҹи бәндәлик, зикр вә тәвазөкарлығын тәзаһүрү, бүтүн инсанларын јексан ләјагәтә саһиб олмаларынын ҝөстәриҹиси, инсанын мадди вә мәнәви һәјатынын тәшкилинин символу, бәрәкәт вә һидајәт рәмзи, дүшмәнләр гаршысында игтидарла мүгавимәт ҝөстәриб, онларын сүлтәсиндән азад олмағын амили кими мүәјјән етмишдир.
Һәҹҹлә бағлы ајәләрә диггәт јетирсәк вә бу ваҹиб әмәлин өзүнәмәхсус ајин вә мәрасимләри үзәриндә дүшүнсәк, бу вә бу кими сирләр вә рәмзләр һәҹҹин мүрәккәб тәркибинә дәлаләт етдијини ҝөстәрәр.
Сиз! Һәҹҹә ҝедән гардаш вә баҹы зәвварлар! Инди сизләр бу һәгигәт вә тәлимләри тәтбиг етмәк мәрһәләсиндәсиниз. Фикирләринизи вә һәрәкәтләринизи она даһа да јахынлашдырын вә бу мөһтәшәм маариф вә али дәјәрләрлә бәрпа етдијиниз шәхсијјәтлә евинизә гајыдын. Бу сизин Һәҹҹ зијарәтинизин әсл гијмәтли совгатыдыр.
Бу илин бәраәт-дүшмән сүлтәсиндән азад олмаг-мәсәләси әввәлки илләрдән даһа габарыгдыр. Мүасир тарихдә ҝөрүнмәмиш бир һадисә олан Гәззә фаҹиәси, гәддарлыг вә зоракылығын тәзаһүрү олан вә тәбии ки, тәнәззүл етмәк үзрә олан тәкәббүрлү вә гәддар сионист режим һеч бир мүсәлман шәхс, партија вә ја һөкумәт үчүн дүшүнмәјә вә барышмаға јер гојмајыб. Буилки Бәраәт мәрасими һәҹҹ мәрасиминдән әлавә, диҝәр мүсәлман өлкәләриндә, мүсәлманларын јашадыглары шәһәрләрдә, еләҹә дә дүнјанын саир јерләриндә дә кечирилмәли вә һәҹҹ зијарәтиндән кәнарда олан шәхсләрә дә шамил едилмәлидир.
Сионист режим вә онун һавадарларынын, хүсусән дә Америка Бирләшмиш Штатлары һөкумәтинин сүлтәсиндән азад олуб бәраәт едилмәси мәсәләси ҝәрәк ки, халгларын вә һөкумәтләрин данышыгларында, һәрәкәтләриндә өзүнү ҝөстәрмәли вә ҹәлладлар үчүн мејданы даралтмалыдыр.
Фәләстинин полад мүгавимәти вә дүнјанын тәгдир вә һөрмәтини газанмыш сәбирли вә мәзлум Гәззә халгы һәртәрәфли дәстәкләнмәлидир.
Аллаһдан онлара тез бир заманда там гәләбә чалмагларыны, сиз дәјәрли зәвварларын Һәҹҹ зијарәтинизин гәбул едилмәсини диләјирәм. Имам Заман (руһи фәдаһу) һәзрәтләринин гәбул едилән дуасы сизә көмәк олсун.
Вәс-сәламу әлејкум вә рәһмәтуллаһ
Сејид Әли Хаменеи
4 Зил-Һиҹҹә 1445
