Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Гырғызыстанда кечирилән сәрбәст ҝүләш үзрә Асија чемпионатындан сонра бу јарышын ән јахшылары мүәјјәнләшди вә Милад Вализадә сәрбәст ҝүләшин ән јахшы ҝүләшчиси сечилди.
57 кг чәки дәрәҹәсиндә чемпион олан Милад Вализадә јарышларын ән јахшы ҝүләшчиси адына лајиг ҝөрүлүб. О, 35 хал топлајыб вә кечирдији 3 ҝөрүшүн һәр бирини јүксәк үстүнлүклә баша вуруб. Ҝүләшчинин һәр ҝөрүш үзрә орта гәләбә мүддәти 1 дәгигә 51 санијә олуб вә о, бүтүн гаршылашмалары әсас вахтдан әввәл өз хејринә баша чатдырыб.
О һәмчинин турнирин ән јахшы һүҹумчу ҝүләшчи кими сечилиб вә һәр ҝөрүшдә орта һесабла 11-дән чох хал газаныб.
Гејд едәк ки, 92 кг чәки дәрәҹәсиндә гызыл медал саһиби олан Мәһәммәдмөбин Әзими исә рәгибләринә бир хал белә вермәдән 26 хал топлајараг јарышларын ән јахшы мүдафиәчи ҝүләшчиси кими сечилиб.
Sizin rəyiniz