Дүнјәвичилији иддиа едән Бакы режими Исламы даһа да мәһдудлашдырыр, “Дини-идеоложи тәһлүкәсизлик вә медиа” конфрансы- Фото

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн Бакыда Дини Гурумларла Иш үзрә Дөвләт Комитәси (ДГИДК) вә Мәтбуат Шурасынын (МШ) бирҝә тәшкилатчылығы илә “Дини-идеоложи тәһлүкәсизлик вә медиа” мөвзусунда конфранс кечирилиб.

Конфрансда ДГИДК вә МШ рәһбәрлији, Азәрбајҹан Республикасы Президенти Администрасијасынын Милләтләрарасы мүнасибәтләр, мултикултурализм вә дини мәсәләләр шөбәси, Бакы Бејнәлхалг Мултикултурализм Мәркәзи, Азәрбајҹан Милли Елмләр Академијасы, Бакы Дөвләт Университети, Гафгаз Мүсәлманлары Идарәсинин нүмајәндәләри, КИВ-ин рәһбәр шәхсләри, журналистләр вә иҹтимаијјәт нүмајәндәләри иштирак едибләр.

Конфрансда милли-мәнәви вә дини дәјәрләримизин тәблиғ вә тәшвиг едилмәсиндә, динин дүзҝүн формада иҹтимаијјәтә чатдырылмасында, һәмчинин дини радикализм, терроризм вә екстремизмә гаршы мүбаризәдә медиа тәмсилчиләринин үзәринә дүшән вәзифәләр әтрафында фикир мүбадиләси апарылыб.

Тәдбири ҝириш сөзү илә ачан ДГИДК-нын сәдри Мүбариз Гурбанлы Азәрбајҹанда дини-идеоложи тәһлүкәсизликдә медианын бөјүк рол ојнадлғыны диггәтә чатдырыб. О гејд едиб ки, медиа радикал фикирләрин габардылараг ҹәмијјәтдә јајылмасына јол вермәмәлидир.

М.Гурбанлынын сөзләринә ҝөрә, медианын ҹәмијјәтә информасијаны дүзҝүн чатдырмасынын бөјүк әһәмијјәти вар.

Тәдбирдә чыхыш едән МШ сәдри Әфлатун Амашов билдириб ки, журналистләрин дини мөвзуда биликләринин артырылмасы истигамәтиндә хејли тәдбирләр һәјата кечирилиб вә бу ҝүн дә бу тәдбирләр давам етмәкдәдир. О гејд едиб ки, бу ҝүн Азәрбајҹан медиасы кифајәт гәдәр инкишаф едиб вә баш верән һадисәләрә милли мараглар нөгтеји нәзәриндән јанашыр.

Ә.Амашов бу кими тәдбирләрин кечирилмәсин мүһүм әһәмијјәт кәсб етдијини диггәтә чатдырыб.

Диҝәр чыхышчылар да дини тәһлүкәсизлијин тәмин едилмәсиндә медианын ролунун ваҹиблијини гејд едибләр вә медиа мәнсубларынын дини биликләринин артырылмасы үчүн бу кими тәдбирләрин әһәмијјәтини вурғулајылар.

Диггәт: Хәбәрдән истифадә етдикдә мәнбәјә истинад лазымдыр