Контр-адмирал Һәмзә Әли Кавјани: "Јени ихтира едилмиш методда суалты гајығын мөвгеји вә атыш мәканы ашкар едилмәдән дүшмән бөлмәләри уғурла һәдәфә алыныр."
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын Һәрби Дәниз Гүввәләри “Гадир” синфинә аид суалты гајыгдан Круз ракетинин бурахылышыны уғурла һәјата кечирибләр.
Һормоз боғазында кечирилән “Вәлајәт-97” тәлимләринин үчүнҹү ҝүнүндә һәрби дәниз тәлимләринин сөзчүсү контр-адмирал Һәмзә Әли Кавјани дејиб: "Торпедаларын әмәлијјат радиусунун мәһдуд олмасына вә ракетин атылмасы заманы суалты гајығын мәканынын ашкар едилмәси еһтималына ҝөрә, иранлы ҝәнҹ мүтәхәссисләрин ҹиһади сәјләри нәтиҹәсиндә илк дәфә олараг, дәнизин дәринлијиндән "Круз" ракети һәдәфә доғру атылыб."
Контр-адмирал әлавә едиб: "Јени ихтира едилмиш методда суалты гајығын мөвгеји вә атыш мәканы ашкар едилмәдән дүшмән бөлмәләри уғурла һәдәфә алыныр."
Спикер Әли Кавјани даһа сонар вурғулајыб: Иран Ислам Республикасы ордусунун дәниз гошунларында мөвҹуд олан диҝәр суалты гајыглар, о сырадан "Тариг" типли ағыр суалты гајыглар вә тамамилә Иран мәһсулу олан "Фатеһ" суалты гајығы да бу габилијјәтә маликдирләр.
Диггәт: Хәбәрдән истифадә етдикдә мәнбәјә истинад лазымдыр
