Мәрзијјә Һашеми: Һәбс олунмағымын сәбәби, Американын Иранла дүшмәнчиији олуб - Фото

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, АБШ һөкумәти тәрәфиндән һәбс олунмуш Пресс ТВ каналынын мүхбири вә апарыҹысы Мәрзијјә Һашеми дүнән ҝеҹә икинҹи вәтәни Иран Ислам Республикасына гајыдыб вә Теһранын Имам Хомејни(р.ә.) адына бејнәлхалг һава лиманында халг, мәсул шәхсләр вә медиа нүмајәндәләри тәрәфиндән ҝениш шәкилдә гаршыланыб.

Пресс ТВ каналынын мүхбири Мәрзијјә Һашеми Теһранын Имам Хомејни(р.ә.) адына бејнәлхалг һава лиманына дахил оларкән дејиб ки, һәбс олунмағынын сәбәби, Американын Иранла дүшмәнчиији олубдур.

Мәрзијјә Һашеми сонра мүхбирләр гаршысына чыхыб. О, дејиб: Америкада һәбс олундугдан сонра баша дүшдүм ки, Иран Ислам Республикасы Америка үчүн нә гәдәр мүһүмдүр вә онлар Иран Ислам Ингилабынын гырхиллијиндән ниҝарандырлар.

Пресс ТВ каналынын мүхбири вә апарыҹысы вурғулајыб: Иран халгы дүзҝүн јолу ҝедир вә Аллаһ-Таала иншааллаһ, Ислам Ингилабынын Бөјүк Рәһбәрини горусун; әҝәр өлкә хариҹиндә олсаныз, Рәһбәр, Вәтән вә Иран Ислам Республикасынын дәјәрини биләҹәксиниз.

Мәрзијјә Һашеми һәмчинин халгын вә медиа нүмајәндәләринин ону Имам Хомејни(р.ә.) адына бејнәлхалг һава лиманында ҝениш сәвијјәдә гаршыламаларыны јүксәк дәјәләндириб.

Пресс ТВ каналынын Америка әслли мүхбири, апарыҹысы, сәнәдли филмләр јарадыҹысы вә диктору Мәрзијјә Һашеми 2019-ҹу ил јанварын 13-дә һеч бир дәлил олмадан Вашингтонун “Сент Луис” һава лиманында һәбс олунараг, Американы Федерал Тәһгигат Бүросунун тәҹирханасына көчүрүлдү.

Бу журналист дүнјанын үмүми фикри вә медиаларынын тәзјигләринин ардында он бир ҝүн Америка һөкумәтинин һәбсиндә олдугдан сонра азад едилди.

Иран Ислам Республикасынын ТелеРадио Тәшкилатынын Сәрһәдашыры бөлмә үзрә сәдр мүавини Пејман Ҹебелли вурғулајыб: Америка үмуми фикрин тәзјиги алтында Пресс ТВ каналынын апарыҹысы Мәрзијјә Һашемини зиндандан азад етмәјә мәҹбур олду.

Диггәт: Хәбәрдән истифадә етдикдә мәнбәјә истинад лазымдыр