Азәрбајҹанлы тәләбәләр 20 Јанвар шәһидләрини мүгәддәс Гум шәһәриндә јад етдиләр - Фото

Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасынын мүгәддәс Гум шәһәриндә дүнјанын 136 өлкәсиндән олан әҹнәби тәләбәләр илә бирҝә тәһсил алан азәрбајҹанлы тәләбәләр Азәрбајҹан халгынын мүгавимәт символу олан "Ганлы 20 Јанвар" хатирәсинин 29-ҹу илдөнүмү мүнасибәтилә тәдбир кечирибләр.

Имам Хомејни (рәһмәтуллаһи әлејһ) адына мәдрәсәдә тәшкил олунан тәдбирдә "Ганлы 20 Јанвар” хатирәсини ҹанландыран фотосәрҝи, үзәриндә Фарс вә инҝилис дилләриндә јазылан јазылар нүмајиш етдирилиб.

Даһа сонра 13:10-да мәдрәсәнин Шәһид Ариф (рәһмәтуллаһи әлејһ) адына конфранс салонунда рәсми тәдбир кечирилиб. Гурани Кәримин тилавәти илә башланан тәдбирдә Ганлы 20 Јанвар тарихини намјиш етдирән сәнәдли филм екрана верилиб.

Даһа сонра чыхыш едәнләр “Ганлы 20 Јанвар” мүгвимәти, Азәрбајҹан халгынын Азадлыг уғрунда ҝөстәрдикләри фәдакарлыглары, Гарабағ вә ишғал олунмуш Азәрбајҹан әразиләри барәдә мәлумат верибләр.

Һәмчинин чыхыш едәнләр билдирибләр ки, "Ганлы 20 Јанвар" Азәрбајҹан халгынын тарихиндә гајыдыш нөгтәсидир. Вә бунун јашадыб ҝәләҹәк нәсилләрә чатдырылмасы, әдәбијјатымызын ајрылмаз бир һиссәсинә чеврилмәси мәһз тәләбәләрин бојнуна дүшән мүһүм вәзифәдир...

Мәҹлисин сонунда Ханым Фатимәи Зәһранын (сәламуллаһи әлејһа) шәһадәти јад едилиб вә рөвзә охунараг шәһидләрин руһларына фатиһә охунуб.
Сонда Азәрбајҹан тәләбәләринин һазырладығы бәјанат охунараг мәҹлисә хитам верилиб.

Диггәт: Хәбәрдән истифадә етдикдә мәнбәјә истинад лазымдыр