Иран Ислам Республикасынын Хәбәрләри
Мүгәддәс Гум шәһәринин әһалиси 13 Абан митингиндә “Өлүм Олсун Америкаја!” шүарларыны сәсләндирдиләр- Фото
Бир груп тәләбә һеч бир дөвләт рәсмиси илә сөвдәләшмәдән Америка Бирләшмиш Штатларынын Теһрандакы ҹасуслуг јувасына - сәфирлијинә һүҹум едәрәк сәфирлик ишчиләрини ҝиров тутдулар вә сонра әлә кечән минләрлә сәнәдләрдән мәлум олду ки, бүтүн дүшмәнчиликләрин әсас мәншәји бу сәфирлик имиш.
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, бу ҝүн сәһәр јерли вахтла саат 10:00-да Иран Ислам Республикасынын бүтүн шәһәрләриндә олдуғу кими мүгәддәс Гум шәһәриндә дә, 13 Абан минтинги гејд едилиб.
Митингә хејли сајда иҹтимаијјәтин мүхтәлиф синиф нүмајәндәләри гатылыблар. Митинг иштиракчылары Һәзрәт Мәсумәнин (сәламуллаһы әлејһа) Һәрәминин Имам Рза (әлејһи сәлам) адына сәһниндә топлашараг бәјанат охујублар.
Гејд едәк ки, 13 Абан Иран Ислам республикасында “Дүнја Империализминә Гаршы Милли Мүбаризә вә Шаҝирд Ҝүнү” кими гејд едилир. Вә бу она ҝөрәдир ки, 1979-ҹу илдә мәрһум Имам Хомејни ҹәнабларынын апардығы 15 иллик мүбаризәси нәтиҹәсиндә Иранда 2500 иллик Пәһләви падшаһлыг сүлаләсинә сон гојулараг Ислам Ингилабы гәләбә чалды. Бир ил сонра исә, јени доғулмуш Иран Ислам Республикасы хариҹи вә дахили дүшмәнләрин кәскин һијлә, пропаганда вә дүшмәнчиликләринә мәруз галмаға башлады. Буну там вүҹудлары илә дәрк едән бир груп тәләбә һеч бир дөвләт рәсмиси илә сөвдәләшмәдән Америка Бирләшмиш Штатларынын Теһрандакы ҹасуслуг јувасына - сәфирлијинә һүҹум едәрәк сәфирлик ишчиләрини ҝиров тутдулар вә сонра әлә кечән минләрлә сәнәдләрдән мәлум олду ки, бүтүн дүшмәнчиликләрин әсас мәншәји бу сәфирлик имиш. Бу хәбәри дујан мәрһум Имам Хомејни ҹәнаблары тәләбәләрин аддымыны заманында вә јериндәҹә атылан доғру аддым адландырараг тәләбәләрин бу ишини Икинҹи Ингилаб адландырмышдыр.
Диггәт: Хәбәрдән истифадә етдикдә мәнбәјә истинад лазымдыр
