Илаһи Инҹиләрин Нур Сил-Силәси
13 Абан ҝүнү мүнасибәтилә Имам Хаменеи ҹәнаблары минләрлә тәләбәни гәбул етди – Фото
Имам Хаменеи ҹәнаблары тәләбәләрә белә нәсиһәт едибләр: “Сиз ҹаванлар дүшмәнин һијләләринә галиб ҝәләрәк бу өлкәни Исламын вә Ингилабын нәзәрдә тутдуғу гүлләјә јүксәлдә биләрсиниз. Әлбәтдә бунун бир нечә шәрти вардыр.
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Иран Ислам Республикасында “Үмүдүнја Истикбарчыларына Гаршы Милли Мүбаризә Ҝүнү” кими танынан 13 Абан тарихи әрәфәсиндә Имам Хаменеи ҹәнаблары Иран Ислам Республикасынын мүхтәлиф бөлҝәләриндән тәшриф ҝәтирмиш тәләбәләр илә ҝөрүш кечириб.
Сәмими кечирилән ҝөрүш заманы һәзрәт Ајәтуллаһ Сејјид Әли Һүсејни Хаменеи ҹәнаблары тәләбәләрә белә нәсиһәт едибләр: “Сиз ҹаванлар дүшмәнин һијләләринә галиб ҝәләрәк бу өлкәни Исламын вә Ингилабын нәзәрдә тутдуғу гүлләјә јүксәлдә биләрсиниз. Әлбәтдә бунун бир нечә шәрти вардыр. Бу шәртләрдән бири дүшмәни танымаг вә онун һијләләринә алданмамагдыр. Мәним дүшмән үзәриндә дајанараг бу мәсәләјә тәкид етмәјим һеч дә, тәсүб үзүндән дејилдир. Бу бир тәҹрүбәдән доған мәсәләдир. Белә дејил ки, онлар јалныз мәнимлә дүшмәндирләр вә јахуд тәкҹә Ислам Дөвләти илә дүшмәнчилик едирләр, хејр. Онлар дүшмән мүгабилиндә дајанмыш бу милләтин өзү илә дүшмәндирләр...”
Диггәт: Хәбәрдән истифадә етдикдә мәнбәјә истинад лазымдыр
