Конфрансда милләт вәкилләри Елман Нәсиров, Ваһид Әһмәдов, еләҹә дә Иран, Индонезија, Малазија, Түркијә вә диҝәр мүсәлман өлкәләринин Азәрбајҹандакы сәфирликләринин нүмајәндәләри чыхыш едәрәк, Дағлыг Гарабағ мүнагишәсинин һәлли приоритетләриндән сөз ачыблар.
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Бејнәлхалг Мәтбуат Мәркәзиндә баш тутан тәдбирдә милләт вәкилләри, Ислам өлкәләринин Азәрбајҹандакы сәфирләри, иҹтимаи-сијаси сфераны тәмсил едән ГҺТ рәһбәрләри, илаһијјатчы алимләр вә иҹтимаијјәт нүмајәндәләри, о ҹүмләдән медиа мәнсублары иштирак едибләр
Азәрбајҹан Республикасынын дөвләт һимнинин сәсләндирилмәсиндән сонра тәдбири ачыг елан едән ГАТ сәдри Акиф Нағы мөвзу әтрафында ҝениш нитг сөјләјиб. О, тәдбирин кечирилмәсиндә әсас мәгсәдин Дағлыг Гарабағ мүнагишәсинин һәлли илә бағлы мүсәлман өлкәләринин мөвгеләринин бир даһа нүмајиш етдирилмәси вә иҹтимаиләшдирилмәсиндән ибарәт олдуғуну дејиб.
Даһа сонра тәдбирдә сөз алан Дини Етигад вә Виҹдан Азадлыглары Мүдафиә Мәркәзинин сәдри, илаһијјатчы - философ Һаҹы Илгар Ибраһимоғлу “Гүдс вә Гарабағдан кечән һәмрәјлик” мөвзусунда мәрузә илә чыхыш едиб. О, билдириб ки, Гарабағын азадлығы Ислам өлкәләринин һәмрәјлијиндән бирбаша асылыдыр.
Даһа сонра конфрансда милләт вәкилләри Елман Нәсиров, Ваһид Әһмәдов, еләҹә дә Иран, Индонезија, Малазија, Түркијә вә диҝәр мүсәлман өлкәләринин Азәрбајҹандакы сәфирликләринин нүмајәндәләри чыхыш едәрәк, Дағлыг Гарабағ мүнагишәсинин һәлли приоритетләриндән сөз ачыблар. Мүнагишәнин һәллиндә Ислам өлкәләринин ојнадығы ролдан данышыблар.
Гејд едәк ки, конфрансын материалларынын Азәрбајҹан вә Инҝилис дилләриндә китаб шәклиндә чапдан чыхарылмасы нәзәрдә тутулур.
Диггәт: Хәбәрдән истифадә етдикдә мәнбәјә истинад лазымдыр
