Јахын Шәрг Хәбәрләри
Ираг Силаһлы Бирләшмәләри әл Ијазијјә шәһәринә дахил олду, ИШИД ағыр тәлафатлар верир – Фото
Ираг Һәрби Ресурслары: “16 –ҹы Орду Биригадасы, Полис Иттифагы вә Һәшду Шәби әл Ијазијјә мәнтәгәсинә дахил олублар. Ејни заманда ИШИД террор груплашмасына аид 22 зиреһли машындан ибарәт һәрби карван Ираг Һава Гүввәләри тәрәфиндән дармадағын едилиб. Ираг Силаһлы Бирләшмәләри исә, 3 әдәд миналанмыш машын вә бир нечә зенит ракетләрини мәһв едибләр.”
Әһли Бејт (әлејһимус-сәлам) - АБНА – Хәбәр Аҝентлијинин вердији хәбәрә әсасән, Ираг Силаһлы Бирләшмәләри (Ираг Ордусу, Полис Иттифагы вә Һәшду Шәби Көнүллү Дәстәләри) бу ҝүн әл Ијазијјә шәһәринә дахил олублар.
Ираг Һәрби Ресурслары билдирибләр: “16 –ҹы Орду Биригадасы, Полис Иттифагы вә Һәшду Шәби әл Ијазијјә мәнтәгәсинә дахил олублар. Ејни заманда ИШИД террор груплашмасына аид 22 зиреһли машындан ибарәт һәрби карван Ираг Һава Гүввәләри тәрәфиндән дармадағын едилиб. Ираг Силаһлы Бирләшмәләри исә, 3 әдәд миналанмыш машын вә бир нечә зенит ракетләрини мәһв едибләр.”
Гејд едәк ки, август ајынын 20-дән етибарән Ираг Силаһлы Гүввәләринин командири вә Ирагын Баш Назири Һејдәр әл Ибади “Тәлафар Биз Ҝәлирик” рәмзи илә Тәлафар рајонун азад едилмәси әмәлијјатына старт вериб. Бу ҝүнә кими Тәлафир шәһәри там сүрәтдә ИШИД террорчуларындан азад едилиб. Әл Ијазијјә шәһәри дә, артыг азад едилмәк үзрәдир.
Диггәт: Хәбәрдән истифадә етдикдә мәнбәјә истинад лазымдыр
