Дәфн мәхфи шәраитдә тәшкил едилиб. Һүгуг мүдафиәчиси Огтај Ҝүлалыјев бу барәдә мәлумат ала билиб вә бир нечә иҹтимаи фәалла бирликдә ахтарышлардан сонра М.Гәләндәровун гәбрини тапыб.
Әһлибејт (ә) Хәбәр Аҝентлији - Апрелин 28-дә Күрдәханыдакы 1 сајлы Истинтаг Тәҹридханасында мүәммалы шәкилдә дүнјасыны дәјишән (интиһар етдији дејилир) сијаси мәһбус Меһман Гәләндәров артыг дәфн едилиб. Ону апрелин 30-у сәһәр саатларында Забрат гәсәбәсинә аид гәбристанлыгда, ата-анасынын мәзары јанында торпаға тапшырыблар (гәбристанлыг Күрдәханы тәҹридханасынын јахынлығында јерләшир). Дәфн мәхфи шәраитдә тәшкил едилиб. Һүгуг мүдафиәчиси Огтај Ҝүлалыјев бу барәдә мәлумат ала билиб вә бир нечә иҹтимаи фәалла бирликдә ахтарышлардан сонра М.Гәләндәровун гәбрини тапыб.
М.Гәләндәровун өз аиләси јохдур. Гоһумларына исә өлүм фактынын үзәриндә тәфтишчилик етмәмәк үчүн тәзјиг ҝөстәрилдији дејилир.
Бу арада Баш Прокурорлуг М.Гәләндәровун өлүмү илә бағлы мәлумат јајыб. Мәлуматда дејилир ки, фактла бағлы Сабунчу рајон Прокурорлуғунда Ҹинајәт Мәҹәлләсинин 125-ҹи (өзүнү өлдүрмә һәддинә чатдырма) маддәси илә ҹинајәт иши башланыб. Өлүмүн сәбәбләринин мүәјјәнләшдирилмәси истигамәтиндә зәрури истинтаг тәдбирләри давам етдирилмәклә мәһкәмә тибби експертизасы тәјин олунуб.
Һүгуг мүдафиәчиси Огтај Ҝүлалыјев Меһман Гәләндәровла бағлы јени мәлумат пајлашыб:
“Онун интиһары барәдә мәлуматы иҹтимаиләшдирдикдән сонра мәнә чохсајлы мүраҹиәтләр вә зәнҝләр, ејни заманда тәзјигләр едилир. Өнәмлиси одур ки, алдығым мәлуматлара ҝөрә Пенитенсиар Хидмәтин Меһманын һазырда өз камерасында сағ- саламат олмасы илә бағлы јајдығы биабырчы јалан мәлуматдан сонра онун нәшинин јахынларына верилмәсиндән имтина олунуб (!?). Һөкүмәт Меһман Гәләндәрову ҝизлиҹә дәфн етмәк истәјир (!?). Меһманын атасы, анасы вә өз аиләси јохдур. Гоһумларына ҹидди тәзјигләр вар вә онлар нәзарәт алтындадыр. Һәтта әлдә етдијим мәлумата ҝөрә она јас вермәк дә гадаған олунуб. Бүтүн бунлар исә Меһманла бағлы бу ҝүн сосиал шәбәкәләрдә онун мүәммалы интиһар хәбәринин јајылмасы вә Пенитенсиар Хидмәтин биабырчы тәкзибидир. Һөкүмәт тәкзибинин ҝировуна чеврилиб. Истәјир ки, Меһман һаггында һеч ким һеч нә јазмасын вә сорушмасын. Бу олајы ҝизлиҹә јола версин. Әслиндә баш верәнләр- өлүмүн тәкзиби, нәшин верилмәмәси, ҝизлинҹә дәфн истәји, гоһумлара вә бизләрә тәзјиг Меһманын интиһар олајынын архасында даһа ҹидди мәгамларын дајандығыны демәјә әсас верир”.
Диггәт! Хәбәрдән истифадә етдикдә мәнбәјә истинад лазымдыр