Фәләстинли гадын 15 ил сонра азадлыгда-ФОТО

Әһлибејт (ә) Хәбәр Аҝентлијинин вердији мәлумата ҝөрә-Сионист режим бу ҝүн сәһәр һәбсханада олан Фәләстинли гадын мәһбусу сәрбәст бурахды. 42 јашындакы Лина Әһмәд Салеһ Ҹарбуни адлы Фәләстинли гадын, 15 ил мүддәтлиндә Исраилин  әсарәтиндәјди вә әнгәдим Фәләстинли гадын үнваныны дашыјырды. 

Сионист режим, Ҹарбунини 2002-ҹи илдә ишғал алтындакы Фәләстин торпагларында мүгавимәт әмәлијјатларында иштирак етмәк иттиһамы илә 17 ил һәбсә  мәһкум етмишди. Амма даһа сонра бу һөкмү 15 илә ендирмишди.  Инди ишғал алтында олан Арраба Батуф шәһәриндә бу аслан үрәкли Фәләстинли гадыны гаршыламаг үчүн бөјүк бир һазырлыглар едилир.

Сионист режимин һәбсханасындакы Фәләстинли гадын мәһбуслар Лина Ҹарбунинин сәрбәст бурахылмасына севинсәләр дә диҝәр тәрәфдән көһнә дост вә јолдашларындан ајрылдыглары үчүн кәдәр ичиндәдирләр. Чүнки Ҹарбуни, онларын һәбсдәки ән сәмими достларындан иди вә онларын тәһсил, сәһијјә, тәмизлик кими бүтүн ишләриндә ән јахшы јардымчыларыјды. Лина Ҹарбуни, 2011-ҹи илдә әсир дәјишмәси разылашмасы чәрчивәсиндә 1000 Фәләстинли илә бирликдә сәрбәст бурахылмалы иди, амма Сионист режим бу гәрарындан имтина едәрәк бу разылашманын Ҹарбуни вә диҝәр Фәләстинли әсир гадынлары әһатә етмәдијини иддиа етди. Мина Кадуни адлы сәрбәст бурахылмыш диҝәр Фәләстинли әсир гадын, Ҹарбунинин сәрбәст бурахылмасына ҝөрә чох севиндијини , амма диҝәр тәрәфдән һеч кимин онун јерини долдурмајаҹағына ҝөрә  диҝәр Фәләстинли әсир гадынлар үчүн нараһат олдуғуну билдирди.

Лина бүтүн әсир гадынлар үчүн бир ана, баҹы вә меһрибан бир мүәллим кими иди вә һәр заман әсирләрин һүгугларыны мүдафиә едирди. Јаралы вә хәстә әсирләрлә марагланырды вә онларын мүалиҹәси үчүн чалышырды. 

Лина Ҹарбуни кечән илдән бәридир ки, өз јерини долдураҹаг үч фәләстинли гадынын тәһсили илә мәшғул имиш.Бу гадынлар о сәрбәст бурахылдыгдан сонра онун јерини алараг диҝәр Фәләстинли гадынларын ишләри вә проблемләријлә марагланаҹаглар.

Диггәт!Хәбәрдән истифадә етдикдә мәнбәјә истинад лазымдыр.