Азәрбајҹанлы Тәләбәләр Хоҹалы Сојгырымыны Јад Едиб
Гум шәһәриндә Хоҹалы Сојгырымы илә әлагәдар бејнәлхалг конфранс кечирилиб – Фото
Тәдбирдә һәмчинин Хоҹалы сојгырымы һагда Фарс дилиндә сәсләндирилән сәнәдли филм ҝөстәрилиб. Һабелә Тәдбирдә Хоҹалы сојгырымы һагда сәрҝи дә дүзәлдиләрәк мүхтәлиф милләтләрдән олан тәләбәләрә нүмајиш етдирилиб.
Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн, 26 Феврал 2017 тарихдә Иран Ислам Республикасынын Мүгәддәс Гум шәһәриндә тәһсил алан Азәрбајҹанлы тәләбәләр Хоҹалы Сојгырымынын 25-ҹи илдөнүмү илә бағлы Бејнәлхалг Ҹамиәтүл Мустәфа (сәлләллаһу әлејһи вә алиһ) Академијасынын Али Фигһ (Һөҹҹәтијјә) Мәдрәсәсиндә бејнәлхалг конфранс кечирдибләр.
Мәлумата ҝөрә, Али Фигһ Мәдрәсәсинин Шәһид Мүтәһәрри адына акз салонунда Гурани Кәримин тилавәти илә кечирилән тәдбирдә, Гарабағ фаҹиәси вә Хоҹалы согырымынын елми, тарихи вә дини бахымдан арашдырылмалары олуб.
Хәтибләр фаҹиәнин үз вермәсинин әсас көкүнү јүз илләрҹә өнҹәләрә гајытдығыны, проссесин дүшмән гүввәләри тәрәфиндән планлы сүрәтдә етапла һәјата кечирилдијини вә бу һадисәләр гаршысында Мүсәлман азәрбајҹанлыларын Ислам Дининин принсибләриндән узаглашдыгларына вә дүшмәнлә мүамиләдә садәлик дејил мәһз садәлөвлүк ҝөстәрдикләринә ҝөрә, удуздугларыны билдирибләр.
Тәдбирдә һәмчинин Хоҹалы сојгырымы һагда Фарс дилиндә сәсләндирилән сәнәдли филм ҝөстәрилиб. Һабелә Тәдбирдә Хоҹалы сојгырымы һагда сәрҝи дә дүзәлдиләрәк мүхтәлиф милләтләрдән олан тәләбәләрә нүмајиш етдирилиб.
Сонда тәдбирин әсас тәшкилатчылары олан Бејнәлхалг Ҹамиәтүл Мустәфа (сәлләллаһу әлејһи вә алиһ) Академијасынын Азәрбајҹан Республикасы тәләбәләринин гәбул етдикләри бәјанат охунуб.
Диггәт: Хәбәрдән истифадә етдикдә мәнбәјә истинад лазымдыр
