Түркијә дөјүш тәјјарәләри дүнән ҝеҹә дөрд дәфә Һәләб јахынлығындакы әз-Зәһра Шиә шәһәрини бомбалајыб.Онларла јаралы вә шәһид вар.
Әһлибејт (ә) Хәбәр Аҝентлијинин вердији мәлумата ҝөрә - Түркијә дөјүш тәјјарәләринин шиә шәһәри сајылан әз-Зәһра'ја етдији һава һүҹумунда бу шәһәрин вәтәндашларындан үчү шәһид олду вә 15 адам да јараланды.
Дүнән ҝеҹә Түркијә дөјүш тәјјарәләри 22.30 радәләриндә әз-Зәһра шәһәринә бомба јағдырды. Һүҹумда бир чох шәһид вә јаралы вар. Нубул сәһра хәстәханасында имканларын гејри-кафи олмасындан өтәри јаралылар Һәләбә апарылды. Јаралылардан икисинин вәзијјәтинин ағыр олдуғу билдирилир.
Әрдоғанын дөјүш тәјјарәләринин әз-Зәһра шәһәрини бомба јағышына тутмасындан дәрһал сонра Бејанун шәһәриндәки Түркијәјә бағлы террор груплары Нубул вә әз-Зәһра Шиә шәһәрләрини ракет јағышына тутдулар.
әз-Зәһра халгы, Түркијә дөјүш тәјјарәләрини Түркијә сәрһәдинә доғру ҝедәркән мүшаһидә едибләр.
Нубул халгынын милләт вәкили Түркијәнин бу ҹинајәтини шиддәтлә гынады вә деди ки: Түркијә вә мүттәфигләри, Сурија ордусунун Һәләбин шәргиндәки зәфәрләринә көлҝә салмаг үчүн диггәтләри башга тәрәфә чәкмәјә чалышырлар. Бундан әлавә онлар, террористләрә дәстәк вермәјән вә онларын гаршысында мүгавимәт ҝөстәрән Һәләб халгындан интигам алмаг истәјирләр.
Диггәт! Хәбәрдән истифадә етдикдә мәнбәјә истинад лазымдыр!