Имам Хаменеи 705 мәһбусу әфв етди, әфв олунанлар Имам Рзанын һәрәминин бајрағыны өпәрәк азад олдулар - Фото

Әһли Бејт - АБНА – Хәбәр Аҝентлијинин вердији хәбәрә әсасән, Үмүдүнја Мүсәлманларынын Али Рәһбәри Ајәтуллаһ Сејјид Әли Хаменеи онунҹу Мәсум вә сәккизинҹи Имам олараг Аллаһын јер үзәриндәки рәсми хәлифәси һәзрәт Әли ибн Муса Рзанын (ә) мүбарәк мөвлуду вә Кәрамәт Онҝүнлүјү мүнасибәти илә 705 дустағы әфв едиб.

Мәлумата ҝөрә, Иран Ислам Республикасынын Али Мәһкәмәсинин сәдри, Ајәтулла Садиг Амули Лариҹанинин мүраҹиәтинә әсасән Имам Хаменеи ҹәнаблары әфв сәнәдини имзалајыб.

Әфв олунанлар сијаси вә мүлки мәһбуслар, һәмчинин һәрби ҹинајәтләрә ҝөрә һәбс едилмиш шәхсләрдир.  Һәмчинин әлавә олараг Имам Рзанын (әлејһи сәлам) һәрәминин хадимләри вә Дијә Идарәсинин вәсатәти илә, гејриәмди ҹинајәтләрә ҝөрә, мәһкум едилмиш 88 мәһбус азадлыға бурахылыб. Мәһбуслар Имам Рзанын (әлејһи сәлам) ҝүнбәзи үзәриндә санҹылмыш бајрагы өпәрәк евләринә бурахылыблар.

Диггәт: Хәбәрдән истифадә етдикдә мәнбәјә истинад лазымдыр.