Имам Хаменеи: Јәмән бөһранынын һәлл јолу, хариҹи һүҹум вә мүдахиләнин дәрһал дајандырылмасыдыр – Фото

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ислам Ингилабы Рәһбәри Ајәтуллаһ Сејид Әли Хаменеи ҹәнаблары өтән ҝүн ҝүнортадан сонра (Чәршәнбә ахшамы) Түркијә президенти Рәҹәб Тајјиб Әрдоған вә ону мүшајиәт едән һејәтлә кечиртдији ҝөрүшдә, бөјүк һадисә "Үмуми Ислами Ојанышы"нын Ислам дүшмәнләринин кечиртдикләри ниҝәранчылыгларынын әсас сәбәби олдуғуну ифадә едәрәк, билдириб: “Ислам дүшмәнләри бу бөјүк һадисәјә гаршы план вә суи-гәсдләр һазырлајыб һәјата кечирирләр. Бу ҝүн Америка вә сионист исраил режими бәзи Ислам өлкәләри арасындакы дахили ихтилаф вә анлашылмазлыглардан хејли разыдырлар.”

Имам Хаменеи һәзрәтләри даһа сонра билдирибләр: “Бу проблем вә анлашылмазлыгларын арадан галдырылмасынын тәкҹә јолу Ислам өлкәләри арасында јахын бир әмәкдашлығын јаранмасы вә ујғун гурулушчу практик ҹәһдләрин һәјата кечирилмәсиндәдир.”

Ајәтуллаһ Хаменеи чыхышынын давамында бәзи бөлҝә өлкәләриндәки инкишафлара, һәмчинин Сурија вә Ирагда баш верән гәддар террор ҹәһдләринә ишарә едәрәк, бүтүн бу һадисәләрдә дүшмәнин ҝизли әлини ҝөрмәјәнләрин ҝерчәкдә өзләрини алдатдыгларыны дејиб.

Үмүмдүнја Мүсәлманларынын Али Рәһбәри Ајәтуллаһ Сејјид Әли Хаменеи сөзүнүн дәлили олараг, Америка вә сионист гүввәләринин бөлҝә һадисәләри гаршысындакы севинҹләринә тохунараг, сионистләрин, һәмчинин бир чох гәрб өлкәләринин баш верән олајлар һагда олдугҹа хошбәхт олдугларыны вә гондарма “ИШИД” мәсәләсини битирмәк кими бир нијјәтләринин олмадығыны сөјләди.

Ислам Ингилабы Рәһбәри даһа сонра “ИШИД” террор тәшкилатынын бәнзәрсиз ҹинајәт вә вәһшиликләрини нүмунәләр ҝәтирәрәк, һәмчинин бу террор тәшкилатынын Бағдады әлә кечирмәк кими фундаментал мәгсәди олдуғуну вә бу һадисәләрин пәрдә архасында кимләрин дурдуғуну вә кимләрин лазымлы малијјә вә силаһ дәстәкләри вердикләрини дејиб.

"Әҹнәбиләр гәти олараг бу мәсәләләрин һәллини истәмирләр, буна ҝөрә дә, бу мәсәләләрин һәлли үчүн әсл гәрар верәҹәк органлар мәһз Ислам өлкәләринин өзүдүр. Амма тәәссүф ки, лазымлы топлу бу барәдә бир гәрар ала билмир " дејә Ајәтуллаһ Хаменеи чыхышынын давамында Јәмән һадисәләринә тохунараг, Јәмәнин Ислам дүнјасынын јени проблемләриндән бир олдуғуну ифадә едиб.

Имам Хаменеи һәзрәтләри даһа сонра Јәмән бөһранынын һәлли һаггында белә бујуруб: “Иран Ислам Республикасы, Јәмән дә, дахил олмагла бүтүн Ислам өлкәләри илә, әлагәдар һәр һансы бир хариҹи мүдахиләнин әлејһинәдир. Бу бахымдан биз белә дүшүнүрүк ки, Јәмән бөһранынын сона јетмәсинин һәлл јолу мәһз бу өлкә халгына јөнәлик хариҹи һүҹум вә мүдахиләләрин дәрһал дајандырылмасы вә әсл Јәмәнлиләрин өзләри өз өлкәләринин ҝәләҹәји илә, бағлы лазымы гәрар вермәләриндәдир".

Ислам Ингилабы Рәһбәри даһа сонра Ирагын һазыркы дурумуна да, тохунараг, Иран Ислам Республикасынын террористләрин бу өлкәјә мүсәлләт олмасына манеә төрәтмәк мәгсәдијлә Ираг халгына јардым ҝөстәрдијини, ејни заманда Иран Ислам Республикасынын Ирагда һәрби гүдрәт олмадығыны амма ИИР вә Ираг халглары арасында тарихи, көклү вә чох јахын бир әлагәнин олдуғуну сөјләјиб.

Үмүдүнја Мүсәлманларынын Али Лидери чыхышынын сон һиссәсиндә исә Ислам аләми үчүн иззәт, әзәмәт вә шөвкәт арзулајараг, Иран Ислам Республикасынын бөлҝә мәсәләләринин һәлли үчүн һәр заман һәр ҹүр фикир мүбадиләси вә әмәкдашлыг етмәјә һазыр олдуғуну бир даһа вурғулады.



Диггәт: Хәбәрдән истифадә етдикдә мәнбәјә истинад лазымдыр