Мүгәддәс Мәшһәд шәһәринин Ҹүмә Намазынын иштиракчылары Ислам Пејғәмбәринин (с) тәһгир олунмасына етираз етдиләр – Фото

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, сионист гүввәләри тәрәфиндән һазырланан планлар чәрчивәсиндә Бөјүк Ислам Пејғәмбәринә гаршы налајиг рәфтарлар кампанијасына гаршы етираз аксијалары сәнҝимир.

Бүтүн Дүнјада олдуғу кими Иран Ислам Республикасында да Сүлһ Сәфири олан Ислам Пејғәмбәринә (сәлләллаһу әлејһи вә алиһ) дәстәк кампанијасы ҝүндәмдә галмагда давам едир.

Белә ки, өтән ҝүн Мүгәддәс Мәшһәд шәһәриндә Ҹүмә Намазындан сонра намаз иштиракчылары АБШ, Гәрб вә сионист гүввәләринә гаршы етираз аксијасы кечирәрәк, Ислам Пејғәмбәри һәзрәти Муһәммәд (сәлләллаһу әлејһи вә алиһ) илә һәмрәј олдугларыны билдирибләр.

Аксија иштиракчылары алынларына “Ләббејк Ја Рәсуләллаһ” јазылмыш лентләр бағламыш, әлләриндә “Мән Муһәммәди (с) Севирәм”, “Муһәммәд (с) О, Бизим Гәлбимиздәдир”, “Аллаһын Сәламы Сәнә Олсун Еј Рәсуләллаһ!” вә “Бөјүк Пејғәмбәрин Фәдаиләријик” кими плакартлар тутмушлар.


Диггәт: Хәбәрдән истифадә етдикдә мәнбәјә истинад лазымдыр