Имам Һүсејн Әзадарлығы Дүнјада – ИИР
Ајәтуллаһ Хаменеинин иштиракы илә Имам Һүсејнин (ә) матәм мәрасиминин “Үч Ахшамы” кечирилиб – Фото
Һөҹҹәтүл Ислам вәл Мүслимин Рәфии: “Ашура фаҹисәиндән сонра Имам Һүсејнин (әлејһи сәлам) Гијамынын бајрагдарлары артыг Имам Сәҹҹад вә һәзрәти Зејнәб (сәламуллаһи әлејһа) иди.”
Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, өтән ҝүн, Теһранын Ҹәмәран мәнтәгәсиндә јерләшән Имам Хомејни (Аллаһ ондан разы олсун) адына Һүсејнијјәдә Әба Әбдиллаһил Һүсејнин (әлејһи сәлам) “Үч Ахшам” мәрасими кечирилиб.
Мәрасимдә Үмүмдүнја Мүсәлманларынын Али Лидери Имам Хаменеи һәзрәтләри башда олмагла, Иран Ислам Республикасынын иҹтимаијјәтинин мүхтәлиф тәбәгәләринин нүмајәндәләри иштирак едиб.
Мәрасимдә чыхыш үчүн сөз Хәтиб Һөҹҹәтүл Ислам вәл Мүслимин Рәфии ҹәнабларына верилиб.
Һөҹҹәтүл Ислам вәл Мүслимин Рәфии Имам Һүсејинин (әлејһи сәлам) Гијамынын Ашура Фаҹисәиндән сонра Һәгигәт вә Әһли Бејт (әлејһим сәлам) Маарифинин сүрәтлә јајылмасына сәбәб олдуғуна ишарә едәрәк билдириб: “Ашурадан сонра Имам Һүсејнин (әлејһи сәлам) Гијамынын бајрагдарлары артыг Имам Сәҹҹад вә һәзрәти Зејнәб (сәламуллаһи әлејһа) иди. Бу ики даһи шәхсијјәт тәблиғатын али принсибләринә һаким олараг, инсанлара һәгигәти бәјан едиб, ујдурмалары иҹтимаијјәтдән тәмизләмәји бөјүк мәһарәт вә диггәтлә һәјата кечирибләр...”
Диггәт: Хәбәрдән истифадә етдикдә мәнбәјә истинад лазымдыр
