Әрдоған режиминин Суријанын шимал бөлҝәсиндәки ҹинајәтләрә ҝөз јуммасына вә бу орада баш верән инсансызлығына дөзмәјән Түркијә күрдләри Пајтахт Анкара вә Дијарбәкир шәһәрләриндә күтләви етираз аксијалары кечирдәрәк, Түрк һәрбичиләринин “ИШИД” јараглылары гаршысында сакит дурмамагларыны тәләб едибләр.
Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, 3 ил јараглыларын мүһасирәсиндә галан, Суријанын Түркијә илә сәрһәд мәнтәгәсиндә јерләшән Ејнул Әрәб (Кубани) шәһәри артыг ики һәфтәдир ки, азғын “ИШИД” адлы тәкфирчи үнсүрләрин ҝениш мигјаслы һүҹумларына мәруз галыб.
Аллаһдан башга һеч бир јердән көмәклији олмајан Ејнул Әрәб (Кубани) шәһәр сакинләри гоҹасындан тутмуш ҹаванына, гадынындан тутмуш кишисинә кими силаһланараг доғма јурдларынын мүдафиәсинә галхыблар. Лакин Ејнул Әрәб (Кубани) шәһәр сакинләринин там сәјләринә бахмајаг, шәһәрин бир гисми јараглы үнсүрләрин әлинә кечдији билдирилир.
Бүтүн бунлар (вәһһаби вәһшиликләри, ҝүнаһсыз инсанларын башларынын кәсилмәси, гадынларын зорланмасы вә с. ҹинајәтләр) исә, Түрк дөвләтинин ҝөзү өнүндә баш верир вә Ејнул Әрәб шәһәринин тәкҹә ики км аралығда топлашмыш Түрк һәрбичиләри исә, садәҹә дәһшәтли ганлы мәнзәрәнин тамашачылары олараг Кубани шәһәринин там сүгут етмәсинин интизарын чәкирләр...
Әрдоған режиминин бу инсансызлығына исә, дөзмәјән Түркијә күрдләри Пајтахт Анкара вә Дијарбәкир шәһәрләриндә күтләви етираз аксијалары кечирдәрәк, Түрк һәрбичиләринин “ИШИД” јараглылары гаршысында сакит дурмамагларыны тәләб едибләр.
Анаҹаг күрдләрин бу етираз аксијасына исә Түркијә дөвләтинин ҹавабы, полис алајларынын амансызҹасына митинг иштиракчыларына һүҹум етмәси олуб.
Түрк полисләри, аксија иштиракчыларыны пәракндә етмәк мәгсәди илә, тәзјиглә сувуранмашынлардан, пластик ҝүлләләрдән, резин дубинкалардан вә ҝөз јашардыҹы зәһәрли газлардан истифадә едиб.
Диггәт: Хәбәрдән истифадә етдикдә мәнбәјә истинад лазымдыр
