Ислам Ингилабынын Бөjүк Рәһбәри Тәлим вә тәрбиjәни һимаjә етмәjи, халг өвладларынын парлаг талеjи вә Иранын сүрәтли мадди вә мән

Әһли Беjт (әлеjһимус сәлам) -АБНА- Хәбәр Аҝентлиjинин вердиjи хәбәрә әсасән, "Тәлим вә тәрбиjә саһәсиндә мүтәфәккир нәсли тәрбиjә етмәк хүсуси әһәмиjjәт кәсб едир"

Ислам Ингилабынын Бөjүк Рәһбәри Тәлим вә тәрбиjәни һимаjә етмәjи, халг өвладларынын парлаг талеjи вә Иранын сүрәтли мадди вә мәнәви инкишафы уғрунда тәсирли сәрмаjә адландырыблар.

Һәзрәт Аjәтуллаһ Әл-үзма Хаменеи бу ҝүн чәршәнбә минләрлә мүәллимлә ҝөрүшдә елм , тәфәккүр вә әхлагын өjрәдилмәсини мүәллимлик пешәсинин 3 шәрәфли вә әсас хүсусиjjәти адландырыблар.

О һәзрәт буjурублар: Елми өjрәтмәк әһәмиjjәтли вәзифәдир амма даһа әһәмиjjәтли иш ушаглара тәфәккүр етмәjи өjрәтмәкдир.

Ингилаб Рәһбәри бахышын дәрин олмасынын әһәмиjjәтинә тохунараг буjурублар: Мәктәблиләр дүзҝүн дүшүнмә әһвал руһиjjәсини мүәллиминдән өjрәндиjи тәгдирдә өлкәнин ҝәләҹәjи тәфәккүр вә мәнтигә әсасланар буна ҝөрә дә мүәллимләрин ағыр вәзифәләри вар.

Бөjүк Рәһбәр тәкидлә билдирибләр: Халгын бөjүк мәгсәдләр вә амалларына чатмаг үчүн сәбирли, ағыллы , диндар, jарадыҹы, меһрибан, шүҹаәтли, пәрһизкар, әдәбли вә тәшәббүс едиҹи инсанлара еһтиjаҹ вар вә мүәллимин белә инсанлары тәрбиjә етмәкдә ролу әсас вә дәриндир.

О һәзрәт тәлим вә тәрбиjә саһәсиндә ингилабчы вә диндар шәхсләрә архаланманын зәрурилиjинә ишарә едәрәк әлавә едибләр: Халг вә рәсмиләр Ислам вә Гуранын бәрәкәтинә, мадди мәнәви вә әхлаг бахымындан нүмунә вә инкишаф етмиш бир иҹтимаиjjәт jаратмаг истәjир вә бу истигамәтдә баҹарыглы, мүтәфәккир вә әзмкар бир нәсли тәрбиjә етмәк лазымдыр вә диндар вә ингилабчы мүдирләр вә инсанлар бу иши һәjата кечирәнләрдирләр.

Һәзрәт Аjәтуллаһ Әл-үзма Хаменеи сиjаси ҹәрәjанлар вә бахышлары тәлим вә тәрбиjә саһәсиндә бир зәһәр кими адландырараг әлавә едибләр: Тәәссүфләр олсун ки бир дөврдә бу бахыш үстүнлүк дашыjараг чохлу зиjанлара сәбәб олуб.

Диггәт: Хәбәрдән истифадә етдикдә мәнбәjә истинад лазымдыр

Tehran radiosu