Мәсумәји Гумда әл-Мустәфа (с) Академијасында тәһсил алан хариҹи тәләбәләрин ушаглары үчүн Тәклиф Бајрамы гејд едилиб + Фото

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Бејнәлхаг әл-Мустәфа (сәлләлаһу әлејһи вә алиһ) адына Дини Академијанын тәшәббүсү илә һәзрәти Мәсумәнин (сәламуллаһи әлејһа) һәрәминдә Академијада тәһсил алан хариҹи тәләбәләрин гыз ушагларынын һәдди булуг (9) јашына чатмаглары мүнасибәти илә Тәклиф Бајрамы кечирилиб.

Бајрамда Азәрбајҹан Республикасы, Африка Гитәси, Асија өлкәләри вә. с. өлкәләрдән Иран Ислам Республикасында Али Дини Тәһсил алан тәләбәләрин ушаглары иштирак едибләр.

Мәрасимдә гыз ушагларына һәдијјә үнванында ағ ҝүллү чадралар верилмиш вә иҹтимаијјәтә јени гәдәм гојмаглары мүнасибәти илә онлары тәбрик етмишләр.

Гејд едәк ки, Ислам Дини инсанын өмүрүнә хүсуси диггәт јетирдији үзүндән онун Илаһи Ганунлар гаршысында вәзифә дашымасы үчүн мүәјјән бир дөвр гәрар вериб. Гыз ушаглары 9, оғлан ушагларынын исә 15 јаша чатдыгда артыг өзләрини ислаһ етмәкләри, фәрди, аилә вә иҹтимаи фәалијјәтләрдә дүрүст оламгларына хатир ибадәт вә әхлаг кодексләринә әмәл етмәкләри ваҹиб сајылыр.

АБНА- Хәбәр Аҝентлији

Диггәт: Хәбәрдән истифадә етдикдә мәнбәјә истинад лазымдыр