Бәсрәлиләрин Әрбәин мәрасиминдә иштираклары үчүн 600 километрлик пијада јүрүшү башлајыб \ ФОТО

Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Имам Һүсејнин (әлејһи сәлам) Әрбәин ҝүнләри әрәфәсиндә мүхтәлиф шәһәр вә кәндләрдән ираглылар мүгәддәс Кәрбәлаја пијада јола дүшүрләр. Маршрутун узаглығына ҝөрә бу мәнәви сәфәрә диҝәрләриндән тез чыхан илк зәвварлар арасында Бәсрә вилајәтинин Фөв шәһәринин әһалиси дә вар. Әрбәинә тәхминән 20 ҝүн галмыш онлар Ирагын ән ҹәнуб нөгтәси вә Фарс көрфәзи илә гуру әлагәси олан “Рас әл-Бишә”дән “минәл бәһр илән-нәһр” јәни “дәниздән чаја, шәһидлик јеринә” шүары илә 600 километрлик пијада јүрүшә башлајырлар. Бу арада Ирагда бу ҝүнләрин дөзүлмәз истиләри нәинки зәвварларын һәрәкәтинә әнҝәл төрәтмир, һәтта онларын гәлбләриндә Имам Һүсејн (әлејһи сәлам) севҝисинин аловуну артырыр; вә бүтүн дүнјада мәнәви шөвг далғасыны нүмајиш етдирир.