Британијанын реп-панк групу Боб Вјлан сәһнәдә “Исраилә Өлүм!” шүарыны верди \ ФОТО

Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Британијанын реп-панк групу Боб Вјлан ББC-нин ҹанлы јајымында "Исраилә өлүм" шүарыны сәсләндирдикдән сонра даһа да мәшһурлашды.

“Нју Јорк Тимес” гәзетинин јаздығына ҝөрә, һәфтәсону 273.000 динләјиҹиси олан груп Инҝилтәрәдәки Гластонбери фестивалында “Исраил ордусуна өлүм” шүарыны сәсләндирдикдән сонра ән мәшһур панк рок групу олуб.

Сөз вә виҹдан азадлығындан дәм вуран “гәрб дөвләтләри” дөзүмсүзлүк ҝөстәрәрәк базар ертәси Британија полиси симасында бу шүарларла бағлы ҹинајәт иши ачыб. Инҝилус полисинин бу аддымы Британијанын Баш Назири Кеир Стармер вә јәһуди груплары тәрәфиндән бу маһнынын гынанмасындан аз сонра баш вериб.

АБШ-да дөвләт катибинин мүавини Кристофер Ланда да өз нөвбәсиндә дөзүмсүзлүк нүмајиш етдирәрәк Боб Уиланын групунун үзвләринин визаларыны ләғв етдијини вә онларын бундан сонра АБШ-да гастрол сәфәринә чыха билмәјәҹәкләрини билдириб.

Гејд едәк ки, консерт ББC-дә ҹанлы јајымланыб вә груп сәһнәнин архасында асылмыш Фәләстин бајрағы алтында чыхыш едиб.

Боб Вјлан ифасынын ортасында дејиб: "Биз диггәтли олмалыјыг, чүнки шоу ББC-дә ҹанлы јајымланыр". сонра мүғәнни "Фәләстинә Азадлыг" гышгырмаға башлајыб вә күтлә дә јекделликлә шүара гошулараг "Фәләстинә Азадлыг" гышгырыблар. Даһа сонра Боб Вјлан: "Бәс буну неҹә? Аја буну ешитмисиниз? “Исраил ордусуна өлүм!" – дејәрәк гышырыб. Консертдә олан күтлә дә һамылыгла “Исраил ордусуна өлүм!" шүарыны уҹа сәслә гышгырыблар.