Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, АБШ-ын Техас штатынын Даллас шәһәриндә вәзијјәт ҝәрҝинләшиб. Даллас Полис рәиси Девид Браунун вердији ачыгламаја ҝөрә, полис илә, тәзаһүратчылар арасында силаһлы инсидент јашаныб. Нәтиҹә дә, 4 полис әмәкдашы һәлак олуб, 11 нәфәр јараланыб. Гаршыдурмалар заманы полисләрин снајпер түфәнҝләриндән ачылан атәшлә өлдүрүлдүјү мәлум олуб. Полисә атәш ачан шәхсләрдән икиси сахланылыб. Онлардан бири көнүллү шәкилдә полис идарәсинә ҝәләрәк тәслим олуб, диҝәрини исә хүсуси тәјинатлылар сахлајыб. Хатырладаг ки, Луизиана вә Минесота штатларында ики гарадәрили полис тәрәфиндән өлдүрүлүб. Бу һадисәдән сонра бир нечә штатда етиразлар башлајыб.
Диггәт: Хәбәрдән истифадә етдикдә мәнбәјә истинад лазымдыр
