Пакистанда “Мүсәлманларын Вәһдәт Мәҹлиси” партијасы лидеринин аҹлыг аксијасы 35-ҹи ҝүнә гәдәм гојду – Фото

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, һәкимләрин төвсијәләринә бахмајараг Пакистан Мүсәлманларын Вәһдәт Мәҹлиси партијасынын лидери Әлламә Раҹе Насир Әббас Ҹәфәри аҹлыг аксијасына давам етдирир. Белә ки, өтән ҝүн аҹлыг аксијасы 35-ҹи ҝүнә гәдәм гојду вә Әлламә Раҹе Насир аксија кечиртдикләри мәканда Әхлаг Дәрсин давам етдириб.

Гејд едәк ки, Пакистан дөвләти вә јерли террор груплашмалары әл-әлә верәрәк бу өлкәдә јашајан Шиәләрә гаршы сојгырым актлары һәјата кечирир вә онларын торпаг әразиләрини вә с. мүлкләрини мүсадирә едир. Бу фаҹиәјә етираз әламәти олараг 13 мај 2016 тарихдән етибарән Пакистан Мүсәлманларын Вәһдәт Мәҹлиси партијасынын лидери Әлламә Раҹе Насир Әббас Ҹәфәри аҹлыг аксијасына старт вериб. Онларын тәләб етдикләри мүәјјән истәкләр бунлардыр:

1. Өлкәнин мүхтәлиф јерләриндә Пакистан Шиәләринә гаршы апарылан террор әмәлијјатларынын гаршысыны алмаг үчүн лазымы аддымларын атылмасы,

2. Шикарпур, Ҹијкәб вә с. мәнтәгәләрдә баш вермиш бүтүн Шиә гәтлиам һадисәләринин говлуглары һәрби мәһкәмәјә ирҹа верилмәлидир,

3. Пәнҹаб әјаләтиндә Шиәләрин дини ајинләр хүсуси илә, әзадарлыг мәрасимләринин кечирилмәсинә гојулан мәһдудијјәтләрин арадан галдырылмасы,

4. Тәкфирчи, екстримист вә фиргәпәрәст секталарын фәалијјәтләринин гадаған едилмәси,

5. Дөвләтин “Хејбәр Пәхтунхаһ” әјаләтиндә Шиә гәтлиамына рәваҹ вермәсини мәһкум етмәк вә бу ишдә бирбаша рол ојнајан дөвләт мәмурларынын ҹинајәтә ҹәлб едилмәси. 

6. Сон ҝүнләрдә Парачинар Шиәләринин Орду Гүввәләри тәрәфиндән ганларына гәлтан едилмәси ҹинајәт олајы илә бағлы тәфтиш комитәсинин јарадылмасы,

7. Ҝилҝит вә Бәлтистан бөлҝәләриндә Шиәләрин әмлак вә торпагларынын дөвләт тәрәфиндән мәнимсәнилмәсинә сон гојмаг вә алынмыш әмлак вә торпаг әразиләринин јенидән өз әсил саһибләринә Шиәләрә ҝери гајтарылмасы.

Аксија иштиракчылары елан едибләр ки, дөвләтдән тәләб етдикләри 7 бәндин һаммысы һәјата кечирилмәјәҹәји тәгдирдә аҹлыг аксијасына давам етдирәҹәкләр.

Диггәт: Хәбәрдән истифадә етдикдә мәнбәјә истинад лазымдыр