Фәллуҹәнин Фәлаһат вә Сәбиһат мәнтәгәләри азад едилди, террорчулар ағыр иткиләр верди - Фото

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Орду Бирләшмәләринин Фәллуҹә 3 әмәлијјатлары давам едир. Ираг Тәһлүкәсизлик Гүввәләри илә Әшаир көчәри тајфаларынын мүштәрәк башладыглары әмәлијјатда бу ҝүн, Фәллуҹә шәһәринин ики Фәлаһат вә Сәбиһат мәнтәгәләи АБШ, сионист исраил, Гәрб, Сәудијјә вә Түркијәнин дәстәк вердикләри Әһли Сүннә вәл Ҹәмаә тәкфирчиләрин вә сабиг Бәс партијасы үнсүрләринин ишғалындан азад едибләр. Әл-Анбар әмәлијјатлары командири ҝенерал Исмајыл Маһлави бу һагда ачыглама вериб: "әл-Анбар әмәлијјатлары чәрчивәсиндә сәккизинҹи һәрби бөлмә Ираг Һава гүввәләринин һава дәстәји илә бу сәһәр ҝенишмигјаслы һәрби әмәлијјата башлады. Иримигјаслы һәрби әмәлијјатлар заманы Фәллуҹәнин гәрб бөлҝәләри олан Фәлаһат вә Сәбиһат азад едилди. Орду бирликләри даһа 1 км Фәллуҹә шәһәринә јахынлашыблар." Ираг ордусу һазырда Фәллуҹәнин мәркәзинин 5 километрлијиндәдир вә Фәллуҹәнин тамамилә азад едилмәси истигамәтиндә әмәлијјатларыны давам етдирир.