Ирагын 19 бөлҝәси сәләфи вә Бәс партијасы террорчуларындан там тәмизләнди, хејли сајда әсир ҝөтүрүлдү – Фото

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Ираг Силаһлы Бирләшмәләри (Ираг Ордусу, Полис, Тәһлүкәсизлик гүввәләри, Әшаир көчәри тајфалары, Һәшду Шәб вә Нүҹәба Көнүллү Халг Дәстәләри) Фәллуҹәдә 3 ҝүн әрзиндә давам етдикләри “Фәллуҹә -1” әмәлијјат нәтиҹәсиндә сионист ишғалчы исраил режими, АБШ, Гәрб, Сәудијјә Әрәбистаны, Гәтәр, Түркијә вә Әрәб Лигасы тәрәфиндән там ҝүҹлә дәстәкләнән сәләфи вә сабиг диктатор режиминә бағлы Бәс партијасынын үнсүрләринин ишғал етдикләри 19 бөлҝәни азад едиб. Бундан әлавә хејли сајда террорчу әсир тутулуб вә өлдүрүлүб. Онларын бөјүк һиссәси хариҹи өлкә вәтәндашларыдыр. Дүшмән гүввәсинин силаһ-сүрсатлары да әлә кечиб... Ираг мүдафиә назиринин вердији ачыгламасында 3 ҝүн давам едән “Фәллуҹә-1” әмәлијјатлар чәрчивәсиндә, Фәллуҹәнин гәрби илә Кәрамә гәсәбәсинин ҹәнубунда јерләшән, Субејһат, Һәшаби, Лифијјә, Маһазин Кәрамә, Буудә, Ҹәмилә, Буһадид, Насир илә семент, шәкәр, зејтун вә шампун заводлары бөлҝәләриндә нәзарәтин бәрпа едилдији гејд олунуб. Һәмчинин Фәллуҹәнин шәрг һиссәсиндәки, Кәрмә бәләдијјә шурасы, Најид Улја, Луһејб, Саһва, Буајид, Һараријјәт вә шималындакы Сәҹәр, Әлбу-Шәҹәл кечид мәнтәгәләриндә дә орду һиссәләри нәзарәти тәмин едиб.