Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Сурија Әрәб Ордусу вә Һизбуллаһ Мүгавимәт Һәракатынын Силаһлы Бөлмәләринин кечиртдији мүштәрәк ант-сионист, вәһһаби әмәлијјатлары давам едир. Билдирдијимиз кими өтән ҝүн Сурија Ордусу Дејр әз Зор шәһәриндә әл ӘСәд хәстәханасыны әлә кечиртмиш вәһши террорчулары мәһв едиб. Террорчуларын әлиндә әсир олан онларла һәким вә тибб баҹысы азад едилиб. Гејд едәк ки, Дејр әз Зор шәһәри Суријанын нефт һасил олунан шәһәридир вә ејни заманда гондарма “ИШИД” адлы террор груплашмасынын Суријада өзүнә пајтахт елан етдији Риггә шәһәри илә, Ираг арасында јеҝанә кечид јолудур. Буна ҝөрә дә, террорчулар вар ҝүҹү илә Дејр әз Зор шәһәрини әлә кечиртмәк нијјәтиндәдирләр. Һомсдан ҝәлән хәбәрләрдә исә, шәһәрин Тәлбисә вә Рәстән бөлҝәләриндә өтән ҝүн ҝеҹә радәләриндән бәри башлајан анти-сионист әмәлијјатлар һәлә дә, давам едир. Сурија Һава Гүввәләри террорчуларын әсас гәрәрҝаһларыны дағыдыблар. Террорчулара бағлы сөздә “бејнәлхалг инсан һагглары тәшкилаты” бу һагда мәлумат јајараг һава зәрәбәләри заманы хејли сајда террорчунун өлдүрүлдүјүнү хәбәр вериб. Һәмчинин Сурија Ордусунун артиллерија бөлмәләри террорчуларын Һомс рајону јахынлығында јерләшән әл Дарул Кәбирә микрарајонундакы гәрәҝаһларыны топ атәшинә тутараг оарад јерләшән бүтүн террорчулары мәһв едибләр.
Диггәт: Хәбәрдән истифадә етдикдә мәнбәјә истинад лазымдыр
