Имам Хаменеи: Бу ҝүн Американын гәти сијасәти Исламофобија, Иранофобија вә Шиәфобијадыр – Фото

Әһли Бејт (әлејһимус сәлам) -АБНА- Хәбәр Аҝентлијинин вердији хәбәрә әсасән, Үмүмдүнја Мүсәлманларынын Али Рәһбәри Ајәтуллаһ Сејјид Әли Хаменеи бу ҝүн сәһәр Мәбәс бајрамы мүнасибәти илә өлкә рәсмиләри, Ислам өлкәләри сәфирләри вә мүхтәлиф тәбәгәдән олан инсанлар илә ҝөрүшүб. Ајәтуллаһ Хаменеи ҝөрүшдә чыхыш едиб вә билдириб ки, бу ҝүн бәшәријјәт "Бесәт"ин мәнасыны дәрк етмәјә һәмишә олдуғундан даһа артыг еһтијаҹлыдыр. “Мәбәс бајрамы бәшәријјәтин әзаб-әзијјәтләринә сон гојмаг үчүн ојаныш ҝүнүдүр. Бесәт-ин гаршысында дуран ҹәбһә, ҹаһиллик ҹәбһәсидир вә ҹаһиллик бу ҝүн дә давам едир.”-дејә Али Рәһбәр билдириб. Имам Хаменеи ҹәнаблары даһа сонра билдириб ки, бу ҝүн Американын гәти сијасәти Исламофобија, Иранофобија вә Шиәфобијадыр. “Сон заманларда Америкалылар билдирибләр ки, Иранын реҝионда изләдији сијасәтләр Ирана гаршы санксијаларын тәтбиг едилмәсинә сәбәб олур. Јәни мәнасы будур еј Иран халгы сиз ки, ајыг вә бәсирәтлисиниз ҝери чәкилин ки, биз ишимизи ҝөрә биләк. Бу ҹаһилликдир...” – дејә һәзрәт Ајәтуллаһ Хаменеи бујурблар.