Пакистанын Парачинар бөлҝәсиндә “Куһат Сүлһ Мүгавиләси” һәјата кечирилдикдән сонра јерли Шиә груплары силаһларыны Пакистан һөкумәтинә тәһвил вериб. Вәһһаби вә сүнниләр исә силаһларыны тәһвил вермәјибләр. Даһа доғрусу “Куһат Сүлһ Мүгавиләси”ндә сүнни вә вәһһабиләрин силаһларыны тәһвил вермәси барәдә бир шеј гејд олунмајыб.
Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: “Куһат Сүлһ Мүгавиләси”нин иҹрасы чәрчивәсиндә Пакистанын Парачинар бөлҝәсиндәки Куррам әјаләтинин јерли Шиә сакинләри динҹ нијјәтләрини сүбут етмәк үчүн бир тәрәфли олараг, өз силаһларыны ордунун нүмајәндәләринә вә Пакистан һөкумәтинин мүвафиг рәсмиләринә көнүллү олараг тәһвил верибләр.
Пакистан телевизијасы хәбәр каналларынын мәлуматына ҝөрә, бөлҝә комиссарынын мүавини Кәрәм Әшфаг Хан чыхышында сүнии вә тәкфирчи групларын да силаһларыны һөкүмәт даирәләринә тәһвил вермәләринә ишарә етсә дә лакин факт олараг јалныз Шиәләр силаһларыны тәһвил верибләр.
О, бу дедикләри барәдә белә билдириб: “Тәрәфләр (админ: сүнни вә тәкфирчиләр илә јерли Шиәләр) арасында өтән илдән давам едән вә јүзләрлә инсанын (админ: Шиәнин) өлүмү илә нәтиҹәләнән ганлы тоггушмалар инди һәр ики тәрәфин мүсбәт аддымлары илә сона чатмаг үзрәдир.” (!)
Кәрәм Әшфаг Хан әлавә едиб: “Парачинар Шиәләри сон 7 ај әрзиндә мисли ҝөрүнмәмиш мүһасирә алтындадыр вә бу јени тенденсија илә мүһасирәни гырмаг үмидләри артыб.”
Јерли һакимијјәт органларынын мәлуматына ҝөрә, индијәдәк Парачинар рајонунда 1000-ә јахын бункер мәһв едилиб, рајонун диҝәр кәндләриндә исә силаһларын топланмасы вә бункерләрин мәһв едилмәси просеси һәлә дә давам едир.
Ашфаг Хан вурғулајыб: “Кәрәм Иҹнәси бөлҝәси давамлы сүлһүн бәргәрар олмасы истигамәтиндә ирәлиләјир вә вәзијјәтин сабитләшмәси үчүн бүтүн лазыми сәјләр ҝөстәрилир.”
Һүсејнијјә Дәрнәјинин катиби бу һәрәкәти алгышлајараг дејиб: “Парачинар кәндли сакинләринин (Шиәләрин) силаһлары көнүллү тәһвил вермәси реҝионда етимадын бәрпасы вә сүлһүн әлдә олунмасы истигамәтиндә мүһүм аддымдыр.
Бунунла белә, о, Куһат Сүлһ Мүгавиләсинин диҝәр 14 бәндинин там шәкилдә һәјата кечирилмәсинин зәрурилијини вурғулајараг, Шиәләрин чохлуг тәшкил етдији бу бөлҝәнин узунмүддәтли мүһасирәсинә сон гојмаг үчүн Парачинар бөлҝәсиндә јолларын там шәкилдә ачылмасыны истәјиб.
Гејд едәк ки, Парачинар бөлҝәсиндә сүлһ мүгавиләси имзаланса да, Шиәләрин мәскунлашдығы бу бөлҝәјә ҝедән јолларда тәһлүкәсизлик тәмин олунмадығындан дәрман вә әрзаг да дахил олмагла һуманитар јардымлар Парачинар Шиә әһалисинә чатмајыр.
Аналтикләрин исә гәнаәти будур ки, Пакистан Һөкүмәт Гүввәләри јалныз Шиәләри тәрки-силаһ етдикләри анда вә бөлҝәдә тәкфирчиләр илә сүнниләрин тәрки-силаһ олунмамасы, һабелә Парачинар Шиәләринин мүһасирәсинин дава етдирилмәси бүтүн бунлар Пакистан тәкфирчи дөвләти үчүн тәбии бахымдан алынмаз бир гала олан Парачинар бөлҝәсинин тезликлә јерли сакинләриндән, јәни Шиәләрдән тәмизләнмәси вә ассимилјасија олунмасына тәкан верәҹәкдир.
Sizin rəyiniz