Парачинар Шиәләринин Фәрјады
Пакистан Шиәләрин компакт мәскунлашдығы Парачинар бөлҝәсинин мүһасирәси давам едир/Рамазан ајында Шиәләрин бош сүфрәләри
Шиәләрин компакт јашадығы Парачинар бөлҝәсинин тәкфирчи террорчулар тәрәфиндән мүһасирәсинин давам етмәси бөлҝәдәки Шиәләрин ифтар сүфрәләрини хөрәксиз гојуб.
Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Медиа мәнбәләри Пакистан вә Әфганыстан сәрһәдинә јахын Парачинар Шиә бөлҝәсинин тәкфирчи террорчулар тәрәфиндән мүһасирәјә алынмасынын давам етдијини билдирир.
Мәлумата ҝөрә, Парачинар Шиә бөлҝәсинин мүһасирәсинин давам етмәси бу бөлҝәнин Шиә әһалисинин Рамазан ајында әт вә тәрәвәз кими әсас еһтијаҹларынын олмамасы вә Парачинар әһалиси арасында гида чатышмазлығынын јајылмасы илә нәтиҹәләниб.
Әразинин мүһасирәјә алынмасы илә әлагәдар Парачинар бөлҝәсиндә јаранан әрзаг гытлығы Парачинар сакинләринин мүгәддәс Рамазан ајында ифтар вә саһур сүфрәләриндә чох садә гидаларла вә јалныз пахлалы биткиләрлә мәһдудлашмасына сәбәб олуб.
Гејд едәк ки, Пакистан дөвләтинин сусгунлугла мүшаһидәси алтында тәкфирчи террорчулар тәрәфиндән Парачинар бөлҝәсинин мүһасирәсинин давам етдирилмәси вә бу террорчуларын Парачинар бөлҝәсинә ҝедән јардым карванларына һүҹумлары бу бөлҝә сакинләринин паракәндә етиразларына сәбәб олуб.
АБНА Хәбәр Аҝентлији
Диггәт: Лүтфән Хәбәрдән Истифадә Етдикдә Мәнбәјә Истинад Един!
Sizin rəyiniz