Бу арада АБШ, сионист режим, Гәрб дөвләтләри, Түркијә тәрәфиндән Суријанын “хиласкары” кими дүнјаја танытдырдыглары вәһһаби террорчу әл-Ҹолани исә сионистә гаршы һеч бир мөвге сәрҝиләмәјир вә һәтта Суријадан сионист режимә гаршы һеч бир һүҹума иҹазә вермәјәҹәјини билдириб.
Әһли-Бејт (әлејһимус сәлам) – Бејнәлхалг Хәбәр Аҝентлији- АБНА: Фашист сионист режим ордусу Сурија дөвләтиндән јени ишғал етдикләри әразиләриндә өз нәһс мөвҹудлуғуну давам етдирир.
Сосиал медиаларда јајыланан ҝөрүнтүләрдән мәлум олдуғу кими јәһуди дүшмән гүввәләри Сурија әразиләриндә јашајыш мәнтәгәләри, душлар вә ҝенераторлар дахил олмагла инфраструктурларын тикинтисинә башлајыблар.
Бәшшар Әсәдин һакимијјәти дағылдыгдан сонра сионист Исраил режими ардыҹыл олараг Суријаја һүҹум едир вә гошун јеридир. Бу арада АБШ, сионист режим, Гәрб дөвләтләри, Түркијә тәрәфиндән Суријанын “хиласкары” кими дүнјаја танытдырдыглары вәһһаби террорчу әл-Ҹолани исә сионистә гаршы һеч бир мөвге сәрҝиләмәјир вә һәтта Суријадан сионист режимә гаршы һеч бир һүҹума иҹазә вермәјәҹәјини билдириб.
Хатырладаг ки, әл-Ҹолани, 2012-2017-ҹи илләрдә бејнәлхалг вәһһаби террор груплашмасы олан әл-Гаидәнин Суријадакы голу сајылан вә Түркијә тәрәфиндән мадди-мәнәви дәстәкләрә малик олан “Нусра Ҹәбһәси” адлы террор груплашмасынын лидери олуб. Әл-Ҹөвлани һаггында чох аз мәлумат вар. Әбу Мәһәммәд әл-Ҹөвлани онун һәм ады һәм дә ләгәбидир вә Иорданија тәһлүкәсизлик рәсмиләринин сөзләринә ҝөрә, онун әсл адыны јалныз “Әл-Гаидә”нин јүксәк рүтбәли үзвләри билир. Амма бир чох мәнбәләрә ҝөрә онун әсл ады Әһмәд Һүсејн әш-Шәр-дир. (әрәб. أحمد حسين الشرع). Доғулдуғу ил вә јер дәгиг мәлум дејил, лакин Ҹолани ады Суријанын Голан тәпәләринә аиддир.
Диггәт: Лүтфән Хәбәрдән Истифадә Етдикдә Мәнбәјә Истинад Един!
