Бағдадлыларын бөјүк иштиракы илә Һәшду Шәби шәһидләринин символик дәфн мәрасими – Фото Репортаж

Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Бағдад халгы Тәһрир мејданында АБШ вә онун ҹинајәтләринә гаршы митинг кечириб. Белә ки, Бағдад вә Тәһрир Мејданы өтән ҝүн сәһәр әл-Һәшд әш-Шәби үзвләринин ишғалчы АБШ һәрбичиләри тәрәфиндән шәһид едилмәсинин икинҹи илдөнүмүндә ираглыларын бөјүк издиһамынын шаһиди олуб.

Мәрасим заманы мүгавимәт лидерләри, хүсусилә шәһид ҝенерал Гасым Сүлејмани вә Әбу Меһди әл-Мүһәндис, һәмчинин әл-Гаим террор һадисәси шәһидләринин шәкилләри автомобилләрин үзәринә јапышдырылыб.

Хатырладаг ки, 2009-ҹу ил декабрын 29-да ахшам саатларында ишғалчы АБШ гүввәләринин гырыҹылары Сурија сәрһәди јахынлығындакы Ирагын Әнбар вилајәтинин әл-Гаим бөлҝәсиндә әл-Һәшд әш-Шабијә бағлы Һизбуллаһ Ираг баталјонларынын мөвгеләрини 30 бомба вә ракетлә һәдәфә алыб; Әмәлијјатда Ирагын 30 әл-Һәшд әш-Шаби гүввәси шәһид едилиб вә 60-дан чоху исә јараланыб.

Мәрасимдә әл-Һәшд әш-Шаби командирләри, о ҹүмләдән әл-Һәшд әш-Шаби комитәсинин рәһбәри “Әбу Фәдак әл-Мәһәммәдави” вә Ислами Мүгавимәт Тәшкилатынын Сејид әл-Шүһәда баталјонларынын баш катиби Әбу әл-Вәлаи дә иштирак едиб.

Диггәт: Хәбәрдән Истифадә Етдикдә Мәнбәјә Истинад Лазымдыр!