Исраил нәшри Иран Ислам Ингилабы Кешикчиләри Корпусу-СЕПАҺ-ын баш команданынын ачыгламасыны дәрҹ едәрәк, бир даһа Иранын ПУА ҝүҹү барәдә хәбәрдарлыг едиб.
АБНА24 Хәбәр Верир, СЕПАҺ баш киманданы Һүсејн Сәлами ијунун 28-дә бу тәшкилата аид Бәгијјәтуллаһ (әҹ) Тибб Елмләри Университетиндә кечирилән мәрасимдә билдириб ки, Иранын 7000 километр мәсафәдә фәалијјәт ҝөстәрән Пилотсуз Учан Апаратлары вар. Онлар һарада олмасындан асылы олмајараг, уча, өз базасына дөнә вә истәдији јердә ениш едә биләрләр.
Бу хәбәрин јајылмасындан дәрһал сонра “Жерусалем Пост” гәзети “Иранын 7000 км-лик дрону Исраил үчүн хәбәрдарлыгдыр” башлыглы тәһлилиндә јазыб ки, бу ПУА һәгиги дөјүшдә белә узаг мәсафәни уча билмәсә дә, Теһрандан Исландијанын пајтахтына гәдәр мәсафәни гәт етмәси кифајәтдир. Иран һәгигәтдә хәбәрдарлыг месажы ҝөндәрир ки, бу силаһла Исраилә һүҹум етмәк игтидарына маликдир.
Гәзет әлавә едиб: “СЕПАҺ ҝенералынын ачыгламасынын мәнасы будур ки, сөзүҝедән дрон Ирандан, Јәмәндән вә ја Суријадан Исраил һава мәканына уча вә јенидән өз әввәлки базасына гајыда биләр.”
342/
