АБШ-ын јаратдығы гондарма ИШИД адлы террорчу групу Әфганыстанда гызларын мәктәби јахынлығында партлајыш едиб- Фото

Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, Әфганыстанын пајтахты Кабулдә Сејјидул Шуһәдә гызлар мәктәбинин јахынлығында төрәдилмиш силсилә партлајышлар нәтиҹәсиндә азы 53 нәфәр шәһид олмуш, 151 нәфәр исә јараланмышдыр.

Кабулун 13-ҹү әмнијјәт мәнтәгәси олан Дәште Бәрчи бөлҝәсиндә јерләшән гызлар мәктәби јахынлығында ардыҹыл баш верән 3 террор һадисәләри мәктәбин тәтил вахтында вә тәләбәләрин мәктәбдән чыхыб евә дөндүкләри заман баш вериб. Илк өнҹә мәктәбә битишик олан клиниканын өнүндә дајанмыш, дахилинә бомба јүкләнмиш Королла маркалы машын партлајыр. Даһа сонра партлајыш нәтиҹәсиндә шаҝирдләр паникаја дүшәрәк гачдыглары заман вәһһаби террорчулары тәрәфиндән әтрафа бастырылмыш миналара дүшәрәк даһа ики партлајыш әмәлә ҝәлир.

Рәсми мәнбәләрә ҝөрә, өлән вә хәсарәт аланларын бөјүк әксәријјәти гадынлар вә мәктәбин гыз шаҝирдләридир. Бу һүҹумларын мәсулијјәтини Америка Бирләшмиш Штатлары тәрәфиндән Барак Обаманын президентлији вә Һилари Клинтонун баш назири заманында јарадылан гондарма ИШИД террор груплашмасы өһдәсинә ҝөтүрүб.

Гејд едәк ки, Әфганыстанын Шиә ҹаванлары хәстәханалара ахышараг хәсарәт аланлара ганларыны һәдијјә едибләр.

Хатырладаг ки, мәктәбин јерләшдији пајтахтын шиәләрин јығҹам мәскунлашдығы гәрб һиссәси сон илләр ИШИД тәрәфиндән мүтәмади һүҹумлар һәдәфинә чеврилир.

Диггәт: Хәбәрдән Истифадә Етдикдә Мәнбәјә Истинад Лазымдыр!