Самирра шәһәриндә һәзрәт Имам Әлинин (ә) шәһадәтинин илдөнүмү ҝеҹәси Имам Әлини табуту символик олараг дашынды–Фото

Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, һәр ил олдуғу кими бу ил дә Ираг Шиәләри Мүбарәк Рамазан ајынын ајинләрини хүсуси илә дә һәзрәти Әмирәл Мөминин Әли Ибн Әбу талибин (әлејһимәс сәлам) шәһадәт ҝеҹәсини ҹанла башла гејд едирләр.

Бу ил дә, Ирагын Самирра шәһәриндә Шиәләр мәғриб вә иша намазлары гылындыгдан вә ифтар етдикдән сонра Имам Әли Ибн Әбу Талибин (әлејһи сәлам) шәһадәт ҝеҹәси, Рамазан ајынын 21-ҹи ҝеҹәсиндә Икинҹи Әһја ҝеҹәсинин әмәлләрини кечиртмәк үчүн гејд олунан мәрасимдә илк өнҹә Гуран Кәрими тилавәт едилмиш, даһа сонра Хәтиб чыхыш едәрәк Гәдр Ҝеҹәсинин әмәлләри, фәзиләти вә һәзрәти Әмирәл Мөминин, Әли Ибн Әбу Талибин (әлејһи сәлам) фәзиләти барәсиндә данышмышдыр. Хәтибин чыхышындан сонра исә, Әһли Бејт (әлејһимус сәлам) мәддаһлары ровзә охумуш, мәрсијәләр дејилмиш вә Гуранлары баша гојараг әмәлләри јеринә јетирмишдир.

Гејд едәк ки, Самиррада јерләшән Имам Әлијјән Нәги вә Имам Һәсән Әскәринин (әлејһимәс сәлам) мүгәддәс һәрәмләринин хадимләри һәр ил олдуғу кими бу ил дә, Имам Әли ибн Әбу талибин (әлејһимәс сәлам) шәһадәт ҝеҹәсиндә символик олараг Имам Әлинин (әлејһи сәлам) табутуну хијабанда дашыјараг әзадарлыг етмишләр.

Диггәт: Хәбәрдән Истифадә Етдикдә Мәнбәјә Истинад Лазымдыр!