Мүбарәк Рамазан Ајы вә Дүнја Халглары
Куфәдә Әмирәл Мөминин һәзрәт Имам Әлинин (ә) шәһадәтинин илдөнүмү ҝеҹәси әзадарлыг мәрасими гејд олунуб–Фото
Һәр ил олдуғу кими бу ил дә, Ирагын Нәҹәфи Әшрәф шәһәриндән 10 км кәнарда јерләшән Куфә шәһәриндәки Куфә Мәсҹидиндә Шиәләр Гәдр Ҝеҹәсини гејд етмәклә јанашы һәзрәти Әмирәл Мөминин, Әлијју Муртәзаја (әлејһи сәлам) матәм сахламышлар.
Әһли Бејт (әлејһимус-сәлам) Хәбәр Аҝентлији –АБНА-нын вердији хәбәрә әсасән, һәр ил олдуғу кими бу ил дә Ираг Шиәләри Мүбарәк Рамазан ајынын ајинләрини хүсуси илә дә һәзрәти Әмирәл Мөминин Әли Ибн Әбу талибин (әлејһимәс сәлам) шәһадәт ҝеҹәсини ҹанла башла гејд едирләр.
Бу ил дә, Ирагын Нәҹәфи Әшрәф шәһәриндән 10 км кәнарда јерләшән Куфә шәһәриндәки Куфә Мәсҹидиндә Шиәләр Гәдр Ҝеҹәсини гејд етмәклә јанашы һәзрәти Әмирәл Мөминин, Әлијју Муртәзаја (әлејһи сәлам) матәм сахламышлар.
Мәғриб вә иша намазлары гылындыгдан вә ифтар етдикдән сонра кечирилән мәрасимдә илк өнҹә Гуран Кәрими тилавәт едилмиш, даһа сонра Хәтиб чыхыш едәрәк Гәдр Ҝеҹәсинин әмәлләри, фәзиләти вә һәзрәти Әмирәл Мөминин, Әли Ибн Әбу Талибин (әлејһи сәлам) фәзиләти барәсиндә данышмышдыр. Хәтибин чыхышындан сонра исә, Әһли Бејт (әлејһимус сәлам) мәддаһлары ровзә охумуш, мәрсијәләр дејилмиш вә Гуранлары баша гојараг әмәлләри јеринә јетирмишдир.
Диггәт: Хәбәрдән Истифадә Етдикдә Мәнбәјә Истинад Лазымдыр!
