Ислам Ингилабынын Бүјүк Рәһбәри Гәрб илә Исламын гадынлара олан бахышлары арасындакы әсаслы фәргә тохунараг, дејиб: "Исламын вә Ислам Республикасынын гадынлара бахышы ону әзиз тутмаға вә һөрмәтә әсасланыр, Гәрбин үмуми бахышы исә гадынлары бир мал вә ја бир васитә кими ҝөрмәкдир".
АБНА24 Хәбәр Верир, Ислам Ингилабынын Бүјүк Рәһбәри Һәзрәт Ајәтуллаһул-үзма Хаменеи бу ҝүн Әһли-Бејт (ә) мәдһијјәчиләринин бир групу илә видеоконфранс форматында кечирилән ҝөрүшү заманы Һәзрәт Зәһранын (с.ә) сәадәтли виладәтинин илдөнүмүнү тәбрик едәрәк, гадын вә аналарын мәгамыны, һәмчинин Имам Хомејнинин (р.ә) тәвәллүдүнүн илдөнүмүнү вә мүбарәк Фәҹр Онҝүнлүјүнү әзиз тутараг, әлавә едибләр: "Исламда киши вә гадынлар илаһи вә бәшәри дәјәрләр бахымындан бир-бирләриндән фәргләнмирләр. Тәбии ки, үмуми вәзифәләрин јанында һәр бир киши вә гадынын хүсуси вәзифәләри дә вардыр вә бу сәбәбдән дә Уҹа Аллаһ онларын физики гурулушларыны бу вәзифәләрә ујғун јарадыб". Ислам Ингилабынын Бөјүк Рәһбәри вурғулајыблар: "Биз Исламын бахышы илә фәхр едирик вә Гәрбин гадына вә һәјат тәрзинә бахышыны тамамилә рәдд едирик". Һәзрәт Ајәтуллаул-үзма Хаменеи Исламын вә һиҹабын гадынларын инкишафына мане олдуғу барәдә Гәрбин тәблиғатларына тохунараг, дејиб: "Бу ачыг бир јаландыр вә әсассыз олмасынын бариз сүбуту да Ислам Республикасында гадынларын вәзијјәтидир". О, һәзрәт әлавә едибләр: "Иранда һеч бир тарихи дөнәмдә бу гәдәр савадлы вә мүхтәлиф сосиал, мәдәни, бәдии, елми, сијаси вә игтисади саһәләрдә актив гадын олмајыб вә бунларын һамысы Ислам Республикасынын бәрәкәти сајәсиндә мүмкүн олуб". Ислам Ингилабынын Бөјүк Рәһбәри Исламын гадынлара бахышынын аилә вә ананын меһвәр ролунун даһа да габардылмасына зәмин јаратдығыны бәјан едиб вә һәгиги сәмимијјәт атмосферинин вә мәнәви вә интелектуал тәрбијәнин ән ҝүҹлү тәмәлләринин аиләдә формалашдығыны вурғулајараг, хатырладыблар" Гәрбин тәблиғат машынлары вә тәәссүфлә бәзи дахили гәрб јөнүмлүләр ананын аиләдәки әсас ролуну азалтмаға вә ја арадан галдырмаға чалышырлар. Һәзрәт Ајәтуллаһ Хаменеи, Һәзрәт Зәһра (с.ә), Һәзрәт Әли (ә) вә онларын әзиз өвладларынын Ислами бир аилә үчүн мүкәммәл бир нүмунә кими дәјәрләндириб ки, о, бөјүк инсанларын ихласы, сәмимијјәти, һәмрәјлији вә мүҹаһидәтләриндән өрнәк ҝөтүрмәк Ислам ҹәмијјәтини јүксәлдә биләр.
342/
