Лакин Шејх Сәрдар Һаҹыһәсәнли ҝөрүш јеринә ҝәләндән бир нечә дәгигә сонра Јасамал Рајон Полис Идарәсинин әмәкдашлары мәрасим евинә ҝәләрәк, бурада Иҹра Һакимијјәтинин тәдбиринин кечириләҹәјини билдирәрәк инсанлардан залы тәрк етмәји истәјибләр.
Әһли Бејт (әлејһимус сәлам) Хәбәр Аҝентлијинин- АБНА-ын вердији мәлуматына ҝөрә, Февралын 22-дә Азәрбајҹан Руһаниләр Мәҹлисинин (АРМ) үзвү, Маиде.Аз сајтынын баш редактору, руһани Шејх Сәрдар Һаҹыһәсәнлинин (Бабајев) һәбс мүддәти баша чатыб вә ҝеҹә саатларында азадлыға бурахылыб.
Бу ҝүн сәһәрдән етибарән ону зијарәтә достлары, јахынлары, руһаниләр ҝәлибләр.
Јахынлыгдакы мәрасим евиндә ҝөрүш кечирилмәси нәзәрдә тутулмушду. Лакин Шејх Сәрдар Һаҹыһәсәнли ҝөрүш јеринә ҝәләндән бир нечә дәгигә сонра Јасамал Рајон Полис Идарәсинин әмәкдашлары мәрасим евинә ҝәләрәк, бурада Иҹра Һакимијјәтинин тәдбиринин кечириләҹәјини билдирәрәк инсанлардан залы тәрк етмәји истәјибләр.
Бу сәбәбән планлашдырылан ҝөрүш баш тутмајыб. Ҝөрүш јеринә ҝәлән инсанлар ҝеријә гајыдыблар.
Гејд едәк ки, ҝүн әрзиндә ады чәкилән мәрасим евиндә нәзәрдә тутулан ҝөрүш ев шәраитиндә давам едәҹәк.
Хатырладаг ки, Шејх Сәрдар Һаҹыһәсәнли Масаллы рајон Мәсҹидиндә ҹүмә намазы гылдығына ҝөрә рајонун иҹра башчысы онун барәсиндә полисә шикајәт едиб. О, 2017-ҹи илин феврал ајынын 22-дә сахланылыб.
Шикајәт әсасында она ҹинајәт иши ачылыб вә 2017-ҹи илин ијул ајынын 3-дә Масаллы Рајон Мәһкәмәсиндә Шејх Сәрдара һөкм охунуб.
Мәһкәмәнин гәрары илә Шејх Сәрдар Һаҹыһәсәнли 3 ил мүддәтинә азадлыгдан мәһрум едилиб.
Диггәт! Хәбәрдән Истифадә етдикдә мәнбәјә истинад лазымдыр.
