Сурија Друзиләри Шәһид Маршал Сүлејманинин хатирәсини һөрәмәтлә јад едибләр – Фото

Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Суријада јашајан Друзи тәригәтинин алимләри Шәһид Маршал Һаҹ Гасым Сүлејманинин хатирәсини һөрмәтлә јад едибләр.

Дәмәшгин Сәһнаја мәнтәгәсиндә кечирилән аным мәрасиминә Үмүмдүнја Мүсәлманларынын Али Лидери һәзрәт Ајәтуллаһ Хаменеи ҹәнабларынын Сурија үзрә нүмајәндәси, Иран Ислам Республикасынын Суријада чалышан мәсул шәхсләр, Суријадакы гәбилә башчылары вә с. шәхсијјәтләр иштирак едибләр.

Гејд едәк ки, Друзлар (вә ја әслиндә дәрзиләр) — исмаиллилијин шахәләриндән бири олан мүсәлман дини тәригәтинә аид әрәбләрдир. Ливан вә Суријада, аз бир һиссәси исә јәһудиләр тәрәфиндән ишғал олунмуш Фәләстин әразиләриндә јашајырлар. Друз тәригәти ХI әсрин әввәлләриндә Мисир вә Ҹәнуби Ливан исмаиллиләри арасында тәблиғат апаран батини ваиз Муһәммәд ибни Дәрзинин (тәригәтин ады да бурадандыр) фәалијјәти нәтиҹәсиндә мејдана ҝәлмишдир. Друзлар Фатими хәлифәси Һакимин (996-1021) Аллаһын әмир илә тәјин олундуғуна вә руһларын өлмәзлијинә инанырлар. Орта әсрләрдән башламыш сон дөврәдәк Друзлар нәсли аристократијаја вә һаким әмир сүлаләсинә малик олмушлар. Друз әмирләринин Ливанда ән гүдрәтли дөврү II Фәхр әд-дин Мәан (1590-1633) вә II Бәшир Шиһабын ((1788/89-1840) һакимијјәти илләринә тәсадүф едир. Марони кәндлиләри вә онларын феодал ағалары олан друз задәҝанлары арасындакы синфи зиддијәтләр нәтиҹәсиндә ХЫХ әсрин 40-60-ҹы илләриндә Ливанда Друз вә христиан марониләр арасында силаһлы тоггушмалар баш верди. ХIХ әсрин 2-ҹи јарысы-ХХ әсрдә Османлы Империјасы һаким даирәләринин друз "сәрбәстлијинә", "имтијазына" (һәрби мүкәлләфијјәтин олмамасы, силаһ ҝәздирмәк һүгугу, друз задәҝанларынын сырави друзлар үзәриндәки гејри мәһдуд һакимијјәти вә с.) сон гојмаг ҹәһдләри тез-тез османлылар әлејһинә чыхышлара сәбәб олмушду. Франсанын мандатлығы дөврүндә (1920-1943) Сурија вә Ливан друзлары антиимпериалист мүбаризәдә иштирак етдиләр. 1925-1927-ҹи илләр Үмумсурија милли үсјанынын мәркәзи Ҹәбәл Друз иди. Үзвләринин әксәријјәти друзлардан ибарәт олан Ливан Тәрәггипәрвәр Сосиалист Партијасы (1949-ҹу илдә тәсис олунмушдур) 1958-ҹи илин јајында антиимпериалист үсјанда фәал иштирак етмишдир. 70-ҹи илләрдә Ливанда баш верән һадисәләр заманы друзлар милли вәтәнпәрвәр гүввәләрин тәрәфиндә чыхыш едир, өлкәнин бирлији вә Фәләстин гачгынлары проблеминин әдаләтли һәлл олунмасы уғрунда мүбаризә апарырлар.

Диггәт: Хәбәрдән истифадә етдикдә мәнбәјә истинад лазымдыр!