Ҹәнуби Африкалыларын Г. Сүлејмани вә Мүһәндисинин террор едилмәси илә әлагәдар АБШ сәфирлији өнүндә етираз аксијасы- Фото

Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Иран Ислам Республикасынын Ислам Ингилабы Кешикчиләри Корпусу- Сепаһын Гүдс Ганадынын командири Маршал Гасым Сүлејманинин, Ираг Силаһлы Гүввәләринин Һәшду Шәби адлы Көнүллү Дәстәләр Бригадасынын ҝенералы Әбу Меһди әл Мүһәндисинин вә онларын һәмсәнҝәрләринин ҹинајәткар Америка Бирләшмиш Штатлары тәрәфиндән амансызҹасына террор едилмәси бүтүн дүнјада әкс сәда доғурдуғу кими Ҹәнуби Африкада да әкс сәда доғуруб.

Белә ки, јүзләрлә Ҹәнуби Африкалы вәтәндаш террорчу АБШ режиминин бу өлкәдәки сәфирлији гаршысында топарлашараг Американын террорчу сијасәтләринә етиразларыны билдирибләр.

Пајтахт Преторијада анти-Америка аксијасы тәшкил едәнләр, Америка Бирләшмиш Штатларынын Гәрби Асијадан хариҹ олмасыны тәләб едибләр.
Мүхтәлиф партијалар, ГҺТ нүмајәндәләринин иштирак етдији етираз аксијасында бүтүн партија вә ГҺТ нүмајәндәләри нитгләр сөјләјибләр.

Гејд едәк ки, аксија иштиракчылары әлләриндә Имам Хомејнинин (р.ә), Имам Хаменеинин, Нелсон Манделланын, Сәрдар Сүлејманинин портиретләрини тутмуш, Иран Ислам Республикасынын, Һизбуллаһ Мүгавимәт Тәшкилатынын, Ливанын, Фәләстинин вә Ҹәнуби Африканын бајрагларыны далғаландырмышлар.

Аксија иштиракчылары, "Америкаја Өлүм!", "Исраилә Өлүм!", "Биз Һамымыз Сүлејманијик!" кими шүарлары сәсләндирибләр.

Диггәт: Хәбәрдән истифадә етдикдә мәнбәјә истинад лазымдыр!