20 Јанвар Мүгавимәт Символу
Гумда Бејналхалг Мүстәвидә "20 Јанвар вә Мүгавимәт Һәракаты" адлы конфранс кечирилиб – Фото
Танынмыш арашдырмачы Кәрбалаји Орхан Мәммәдов 20 јанвар һадисәсини вә бу һадисәнин мүсбәт нәиҹәси олараг Советләр Иттифагынын дағылмасыны Ислами дәјәрләрдән гајнагландығыны дејиб... Даһа сонра арашдырмачы Орхан Мәммәдов Сәрдар Сүлејманинин һәјаты вә кимлији барәсиндә ачыглама верәрәк, сөзүн әсил мәнасында Сәрдар Гасым Сүлејманинин бир Ајәтуллаһ олдуғну вурғуламышдыр...
Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, һәр ил олдуғу кими бу ил дә Гум Елми Һөвзәсинин тәләбәләри 1990-ҹы ил, јанвар ајынын 19-дан 20-нә кечән ҝеҹә Бакыда, јанварын 25-дә Нефтчалада вә 26 јанварда исә Ләнкәранда Советләр империјасы тәрәфиндән төрәдилән гырғынларда шәһид оланлары еһтирамла јад едибләр.
Мәлумата ҝөрә, бу ҝүн 20 Јанвар, 2010 тарихдә әл Мустафа университетинин Имам Хомејни (әлејһ салам) адына мәдрәсәнин Шәһид Сәдр (әлејһи сәлам) адына иҹтимаат салонунда "20 Јанвар Дүнја Азәрбајҹанлыларынын Һәмрәјлији вә Мүгавимәт Һәракаты" адлы конфранс кечирилиб.
Конфранс рәсми сүрәтдә Гуран Кәримин тилавәти илә ишә башлајыб. Сонра азјашлылардан ибарәт олан "Мәләкләр" нәғмә групу Гарабаға вә Азәрбајҹан шәһидләринә даир сурудлар ифа едибләр.
Даһа сонра конфранс иштиракчыларына 20 Јанвар гәтлиамына даир сәнәдли филм тәгдим олунуб.
Сәнәдли филмин ардынҹа исә һөрмәтли руһани, танынмыш арашдырмачы Кәрбалаји Орхан Мәммәдов чыхыш едиб. О, 20 јанвар һадисәсини вә бу һадисәнин мүсбәт нәиҹәси олараг Советләр Иттифагынын дағылмасыны Ислами дәјәрләрдән гајнагландығыны дејиб... Даһа сонра арашдырмачы Орхан Мәммәдов Сәрдар Сүлејманинин һәјаты вә кимлији барәсиндә ачыглама верәрәк, сөзүн әсил мәнасында Сәрдар Гасым Сүлејманинин бир Ајәтуллаһ олдуғну вурғуламышдыр...
Конфранс гәбул олунмуш бәјанатын охунушу илә сона јетиб.
Диггәт: Хәбәрдән истифадә етдикдә мәнбәјә истинад лазымдыр!
