Ҹәнуби Африкада ҝенерал Сүлејмани вә Мүһәндиси илә бирликдә шәһид оланларын хатирәси анылды – Фото

Әһли Бејт (әлејһимус сәлам) Хәбәр Аҝентлији АБНА-нын вердији мәлумата ҝөрә, Маршал Һаҹ Гасым Сүлејмани, ҝенерал Әбу Меһди әл Мүһәндиси вә онларын јолдашларынын хатирәси Ҹәнуби Африкада гејд олунуб.

Ҹәнуби Африка Мүсәлманларынын сијаси хадимләри, мәдәнијјәт нүмајәндәләринин иштиракы илә кечирилән аным мәрасими Кејптаун шәһәриндә јерләшән Әһли Бејт (әлејһиус сәлам) адына Мәсҹиддә гејдә алыныб. Мәрасимин идарәчилији Үмүдүнја Әһли Бејт (ә) Ассамблејасынын Ҹәнуби Африка үзрә үзвү Һөҹҹәтүл Ислам вәл Мүслимин Сејјид Афтаб Һејдәрин үзәриндә олуб.

Мәрасимә Шиәләр илә јанашы јүзләрлә әһли сүннә мәзһәбинин давамчыларындан вә Али Тәһсил Оҹагларында тәһсил алан тәләбәләрдән дә гатылан олуб.

Хатырладаг ки, 2020-ҹи ил јанварын 3-нә кечән ҝеҹә АБШ пилотсуз тәјјарәсиндән ендирилән дәгиг ракет зәрбәләри нәтиҹәсиндә ҝенерал Гасым Сүлејмани өлдүрүлүб. Террор әмәлијјаты Бағдад аеропорту јахынлығында АБШ Хүсуси Әмәлијјатлар үзрә Бирләшмиш Команданлығы УССОҸОМ тәрәфиндән һәјата кечирилиб. Террор әмәлијјатында пилотсуз тәјјарәләрдән истифадә олунуб вә ҝенерал Сүлејманинин дә олдуғу автомобил калонуна ракет зәрбәләри ендирилиб. Нәтиҹәдә Гасым Сүлејмани илә јанашы "Һәшд-Шаби"нин иҹтимаијјәтлә әлагәләр шөбәсинин рәһбәри Мәһәммәд Рза әл-Ҹабири вә "Һәшд-Шаби" тәшкилатынын командир мүавини Әбу Меһди әл-Мүһәндиси башда олмагла даһа једди нәфәр, уҹа шәһидлик мәгамына јүксәлибләр.

Гејд едәк ки, Ҝенерал Гасым Сүлејмани рәсми Бағдад тәрәфиндән Ирага дәвәт едилиб. Бу сәбәбдән дә Ҝенерал Гасым Сүлејмани, Әбу Меһди әл-Мүһәндис тәјјарә илә Суријадан Бағдада ҝәлибләр. Даһа сонра онлары апаран автомобил кортежи аерпорту тәрк едиб, амма чох кечмәдән аеропорт әразисиндә онлары Америка ракетләри һаглајыб. Ракетләрдән бири дүз ҝенерал Сүлејманинин олдуғу автомобилә дәјиб.

Диггәт: Хәбәрдән истифадә етдикдә мәнбәјә истинад лазымдыр!