Әһлибејт (ә) Хәбәр Аҝентлијинин вердији мәлумата ҝөрә- Буну бу ҝүн Иранын хариҹи ишләр назиринин бејнәлхалг вә һүгуг мәсәләләри үзрә мүавини Аббас Әрагчи кечирдији мәтбуат конфрансында дејиб.
А.Әрагчи дејиб ки, АБШ-ын јени һөкумәтијлә ҺБФП илә бағлы һеч бир мүзакирә апарылмајаҹаг: “ҺБФП Иранла 6 өлкә вә Авропа Бирлији илә имзаланмыш чохтәрәфли разылашмадыр. АБШ президенти Планы бир кәнара гојмаг үчүн гәрар гәбул едәрсә, бу онун өз ишидир вә бундан сонра баш верәнләрлә ҝөрә дә мәсулијјәти өзү дашымалыдыр. ҺБФП илә бағлы һеч бир јени мүзакирә апарылмајаҹаг. Әҝәр Онлар бу планы ҹырараҹагларса, Иран бу планы јандыраҹаг. Әмин олун, ҺБФП тәзјигләрлә бирҝә иҹра олунмајаҹаг. Бу Планын иҹрасына даир өһдәлик хош нијјәтлик атмосфериндә баш тутаҹаг, тәзјигләрлә дејил. Тәзјигләр вә санксијалар оларса, бу өһдәлијин иҹра олунмамасы анламында олаҹаг”.
А.Әрагчи дејиб ки, Иранын АБШ илә нүвә мүзакирәләри баша чатыб вә данышыглар бундан сонра ҺБФП-нин иҹраси илә бағлы бәзи техники мәсәләләрә даир олаҹаг. “Иранын нүвә фәалијјәтләри тамамилә ганунидир вә давам едир. Бу ҝүн уранын зәнҝинләшдирилмәси вә уранын зәнҝинләшдирилмәси саһәсиндә арашдырма просеси габагҹыл технолоҝија илә давам етдирилир. Уранын зәнҝинләшдирилмәси үчүн јени сентрифугалар һазырда тест олунур вә МАГАТЕ илә әлдә олунан програма әсасән 15 ил әрзиндә Иран сәнаје зәнҝинләшдирилмәси мәрһәләсинә чатаҹаг”.
А.Әрагчинин сөзләринә ҝөрә, Әрак нүвә реактору һазырда модернләшдирилир. “Әрак реактору модернләшдирлир вә даһа инкишаф етмиш реактор гурашдырылаҹаг. Иранын нүвә програмы дәгиг һесабланмыш ҹәдвәл үзрә инкишаф етдирилир”. Иранын хариҹи ишләр назиринин мүавини дејиб ки, ҺБФП-нин иҹрасындан сонра өтән бир ил әрзиндә Иран бејнәлхалг сүлһ вә тәһлүкәсизлик үчүн тәһлүкә кими дејил, бәлкә јени бир симада таныныб. “АБШ вә Иранын дүшмәнләри Иранын сүлһјөнүмлү нүвә програмындан суи-истифадә едәрәк өлкәмизи бејнәлхалг аләм үчүн тәһлүкә кими ҝөстәрирдиләр. Дејирдиләр ки, Иран нүвә силаһы әлдә етмәк истәјир вә сәс-күј салырдылар. Лакин ҺБФП-дән сонра бу сәс-күј јатды”.
Диггәт! Хәбәрдән истифадә етдикдә мәнбәјә истинад лазымдыр!
